Litva pieradała ŭ Mižnarodny sud u Haazie dakumienty pa złačynstvach režymu Łukašenki
Litva pieradała ŭ Mižnarodny sud u Haazie dakumienty pa złačynstvach režymu Łukašenki. To-bok prakuror MKS zmoža rasśledavać złačynstvy Łukašenki suprać biełarusaŭ, paviedamlaje Abjadnany pierachodny kabiniet.
Siońnia ŭrad Litvy skarystaŭsia svaim pravam pa Rymskim statucie i aficyjna pieradaŭ u Ofis prakurora Mižnarodnaha kryminalnaha suda ŭ Haazie materyjały, jakija tyčacca ździajśnieńnia transhraničnych złačynstvaŭ suprać čałaviečnaści ŭ dačynieńni da biełarusaŭ.
Narodnaje antykryzisnaje ŭpraŭleńnie sabrała danyja, jakija paćviardžajuć ździajśnieńnie dadzienych złačynstvaŭ kiraŭnictvam režymu. Hetyja danyja byli pieradadzienyja ŭradu Litvy dla acenki faktaŭ złačynstvaŭ.
Litoŭski bok pryjšoŭ da vysnovy, što majecca dastatkova padstaŭ mierkavać, što Łukašenka i jaho saŭdzielniki ździajśniajuć złačynstvy suprać čałaviečnaści.
«Stvorany histaryčny precedent — bo ŭpieršyniu ŭ historyi Mižnarodnaha kryminalnaha suda dziaržava-ŭdzielnica Rymskaha statuta pieradała na razhlad Ofisa prakurora situacyju ŭ dziaržavie, jakaja nie źjaŭlajecca ŭdzielnicaj hetaha statuta.
Akramia taho, upieršyniu ŭ fokusie ŭvahi MKS budzie kantekst maštabnych mižnarodnych złačynstvaŭ u Biełarusi. I hety krok, hety precedent i hety praces užo nielha spynić. Adkaznaść za hetyja złačynstvy — nieminučaja», — padkreśliŭ namieśnik kiraŭnicy Kabinieta, kiraŭnik NAU Pavieł Łatuška, jaki siońnia pryjechaŭ u Haahu.
Biełaruskija demakratyčnyja siły zaklikajuć krainy-ŭdzielnicy Rymskaha statuta padtrymać namahańni litoŭskaha boku i ahulnaje imknieńnie ŭsich biełarusaŭ — zabiaśpiečyć pravasudździe dla socień tysiač achviar i pryciahnuć Łukašenku i jaho saŭdzielnikaŭ da adkaznaści za złačynstvy, jakija jon ździejśniŭ i praciahvaje ździajśniać.
-
Biełaruski dobraachvotnik atrymaŭ status invalida vajny va Ukrainie. Heta pieršy vypadak, jaki staŭ viadomy
-
«Zarobak u try razy vyšejšy, čym doma». Biełarus raskazaŭ, jak papracavaŭ u Jehipcie na budaŭnictvie AES
-
«Dzied budzie hladzieć asabista. Kali jamu spadabajecca…» Ziankovič raskazaŭ, jak ź im zapisvali pieršaje intervju ŭ SIZA KDB
Ciapier čytajuć
«Dzied budzie hladzieć asabista. Kali jamu spadabajecca…» Ziankovič raskazaŭ, jak ź im zapisvali pieršaje intervju ŭ SIZA KDB14
Kamientary
Tri varianta konca - śmierť v bunkierie, śmierť v tiuŕmie i śmierť v izhnanii.
A kak pomriot ili siadiet, ili v Kitaje, OAE śbiežit, tak, iz Biełarusi, łavina dokazatielstv, jeho priestuplenii i priestuplenii jeho chołujev, chłyniet.
Polakam nado podtianuťsia, a to pomriot, nienarokom, rańšie vriemieni. Vied́ razvalivajetsia na chodu.