«Buduć kuplać u asnoŭnym užo hatovaje žyllo». Rychtujucca źmieny ŭ śfiery budaŭnictva pryvatnych damoŭ
U Biełarusi buduć spraščać paradak budaŭnictva pryvatnych damoŭ. Pry hetym budučych ułaśnikaŭ maksimalna vyklučać z pracesu budoŭli žylla, raskazali va ŭradzie.
Ułady chočuć prybrać šerah dadatkovych patrabavańniaŭ pry ŭźviadzieńni damoŭ budaŭničymi arhanizacyjami z nastupnym ich prodažam nasielnictvu, paviedamiŭ na sumiesnym pasiadžeńni Pałaty pradstaŭnikoŭ i Savieta Respubliki vice-premjer Anatol Sivak.
«Dla spraščeńnia pracesu budaŭnictva žylla ciapier prapracoŭvajecca pytańnie zamacavańnia paradku, pry jakim budučyja ŭłaśniki žylla (jurydyčnyja i fizičnyja asoby) maksimalna vyklučajucca z pracesu budaŭnictva i buduć kuplać u asnoŭnym užo hatovaje žyllo», — skazaŭ Anatol Sivak.
Sivak rastłumačyŭ, što taki varyjant daść mahčymaść u dalejšym paźbiehnuć šerahu pytańniaŭ, jakija ŭźnikajuć z boku fizičnych asob, jakija nie majuć dastatkovych viedaŭ u halinie budaŭnictva.
Adnosna indyvidualnaha žylla Minbudarchitektury padrychtavany prajekt ukaza, jaki praduhledžvaje stvareńnie sproščanaha paradku ŭźviadzieńnia budaŭničymi arhanizacyjami žyłych damoŭ z dalejšaj ich realizacyjaj nasielnictvu.
Pytańnie spraščeńnia budaŭnictva pryvatnych damoŭ abmiarkoŭvajuć biełaruskija ŭłady nie pieršy hod. Jašče ŭ 2022-m Alaksandr Łukašenka raskazaŭ ab płanach pa ablahčeńni ŭźviadzieńnia žylla. Pavodle jaho słoŭ, haspadar sam pavinien adkazvać za biaśpieku doma «svajoj hałavoj, svajoj siamjoj, svaimi dziećmi».
Ciapier hetu adkaznaść chočuć pierakłaści na prafiesijanałaŭ.
Kamientary
Ja b ŭsio ž prapanavaŭ ŭdaskanalić źmieny ŭ zahonadaŭstva zahadam žyć ŭ nyrach, jakija, dziela spraščeńnia, viadoma, kapaćmie NyrTrest, a chobity (voś na adroźnieńnie ad biełarusaŭ daju rady ŭ Tołkina znajści vyznačeńnie chobitaŭ) zasialaćmucca ŭ hatovyja.
I praz dva hady implementujecca jašče horšaje ŭskładnieńnie i manapalizacyja budaŭničaha rynku.
Luby čytač pad takimi, nasamreč vyznačalnymi, navinami nia mocna paśvicca. A kab paśviŭsia, niepazbyŭna b namalavaŭsia jaki sacyjalist z paviedamleńniem, jak ŭ Kamifornii ci Saksonii jakoj daŭno pryhonnym nielha budavacca, prahresyŭny Śvietavy dośvied.