Tajvańskaja kampanija Gold Apollo paviedamiła, što madel pejdžaraŭ, jakija vybuchnuli ŭ Livanie 17 vieraśnia, vyrablajecca jaje vienhierskimi partniorami — firmaj BAC Consulting KFT, adnak vykarystoŭvaje łoha Gold Apollo, piša Newsru.co.il.
Zasnavalnik tajvańskaj kampanii Siuj Czińhuań zajaviŭ telekanału CNN, što jaho firma nie maje nijakaha dačynieńnia da vybuchaŭ: «Ja taksama achviara. My zajmajemsia biźniesam 30 hadoŭ. A ciapier na mianie zvaliłasia heta?»
Kanał adznačaje, što na Tajvani vytvorčaść pejdžaraŭ znachodzicca pad žorstkaj rehulacyjaj, i ŭłady ŭvieś čas pravodziać pravierki. Takija inśpiekcyi pravodzilisia i na Gold Apollo, dzie nikoli nie vyjaŭlałasia nijakich prablem.
Pa stanie na ranicu 18 vieraśnia, Ministerstva achovy zdaroŭja Livana paćviardžaje hibiel 11 čałaviek u vyniku padryvaŭ pejdžaraŭ, jakimi karystalisia aktyvisty «Chiezbały».
Ministerstva achovy zdaroŭja Livana paćviardžaje, što ŭ balnicy byli dastaŭleny kala 3000 paranienych, sotni ź ich u ciažkim abo krytyčnym stanie.
Ciapier čytajuć
«Častku svajakoŭ ja adsiejała». Hamialčanka, jakaja žyvie ŭ Adesie, raspaviała pra adaptacyju da abstrełaŭ, ukrainskuju movu i svoj błoh2
Kamientary
Naš postrieł viezdie pośpieł )