Nie papadziciesia na chitryk. A1 staŭ brać hrošy za niekali biaspłatnuju pasłuhu
Rachunki niekatorych abanientaŭ apieratara A1 pavialičylisia adrazu na 4 rubli za miesiac. Heta tyčycca tych, chto atrymlivaŭ pa elektronnaj pošcie rachunki za akazanyja pasłuhi ŭ farmacie XLS.
U redakcyju Onlíner pryjšło niekalki zvarotaŭ ad abanientaŭ A1, jakija skardziacca na toje, što apieratar pačaŭ brać hrošy za raniej biaspłatnuju pasłuhu. «Ź mianie paśpieli śpisać užo 8 rubloŭ za dva miesiacy. Moža być, hetaja navina budzie cikavaja čytačam, kab nie trapilisia na vykrut A1», — raspavioŭ adzin z abanientaŭ.
Sapraŭdy, rachunki niekatorych abanientaŭ apieratara «paciaželi» adrazu na 4 rubli ŭ miesiac. Heta datyčycca tych, chto atrymlivaŭ pa elektronnaj pošcie rachunki za akazanyja pasłuhi ŭ farmacie XLS. Raniej apieratar rabiŭ heta biaspłatna, ale z 1 červienia 2024 hoda ŭvioŭ pasłuhu «Pieraŭtvareńnie rachunku» za 4 rubli. Pry hetym rachunki ŭ farmacie PDF pakul prychodziać biaspłatna.
Miarkujučy pa zvarotach abanientaŭ, ryzyka ŭ tym, što vy mahli ŭvohule zabycca pra isnavańnie niejkich listoŭ ab rachunku.
«Štomiesiac papaŭniali rachunki troch čalcoŭ siamji na sumu, jakaja adpaviadaje taryfu (abanienckaj płacie). Uletku sumy pierastała chapać. Nam padałosia heta dziŭnym, bo zaŭsiody ŭkładvalisia ŭ limity, abumoŭlenyja taryfam. Zirnuli ŭ vypisku: akazałasia, kampanija A1 pačała ŭtrymlivać 4 rubli za pasłuhu «Pieraŭtvareńnie rachunku ŭ farmat XLS»», — padzialiŭsia historyjaj adzin z čytačoŭ.
Jak adklučyć pasłuhu «Pieraŭtvareńnie rachunku»
Dobraja navina zaklučajecca ŭ tym, što pasłuhu možna adklučyć. Ale jość i drennaja navina: zrabić heta nie voś tak prosta.
Čytačy Onlíner aburanyja tym, što pasłuhu nielha adklučyć praz mabilny dadatak A1. Maŭlaŭ, kampanija aktyŭna ahituje karystacca dadatkam, ale, akazvajecca, tam niemahčyma kiravać niekatorymi płatnymi servisami.
Kab adklučyć pasłuhu, daviadziecca ŭspaminać parol ad asabistaha kabinieta A1 u braŭzery. Abo pa kłasicy možna z pašpartam padyści ŭ sałon apieratara.
Ciapier čytajuć
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu12
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami4848
Kamientary