Parłamient Hruzii ŭ trecim, kančatkovym čytańni pryniaŭ zakon «Ab abaronie siamiejnych kaštoŭnaściaŭ i niepaŭnaletnich», a taksama papraŭki ŭ 17 inšych dakumientaŭ, jakija praduhledžvajuć zabaronu na prapahandu ŁHBT u krainie. Zakon ustupić u siłu tady, kali jaho padpiša prezidentka Hruzii Sałamie Zurabišvili.
Za zakon prahałasavali 84 deputaty, a suprać nie vykazaŭsia nichto.
Zhodna z prajektam novaha zakona, u krainie zabaraniajucca adnapołyja šluby, apieracyi pa źmienie połu, usynaŭleńnie dziaciej homasieksualnymi parami, «prapahanda i papularyzacyja» ŁHBT u adukacyjnych ustanovach i ŚMI, a taksama parady i manifiestacyi.
Ciapier za Za «prapahandu ŁHBT» u navučalnych ustanovach fizičnych asob buduć štrafavać na 1,5 tysiačy łary (1800 biełaruskich rubloŭ), jurydyčnych asob — na 4 tysiačy łary (4850 rubloŭ).
Viaščalnikam budzie zabaroniena pakazvać u efiry intymnyja adnapołyja sceny abo rekłamu padobnaha źmiestu. Za raspaŭsiud takich rolikaŭ fizasoby atrymajuć štraf na 800 łary (970 rubloŭ), jurydyčnyja asoby — na 2,5 tysiačy łary (kala 3000 biełaruskich rubloŭ).
Za raspaŭsiud siarod niepaŭnaletnich materyjałaŭ ab źmienie połu ci homaseksualnych adnosinach u parłamiencie vyrašyli štrafavać na 1 tysiaču łary (1200 biełaruskich rubloŭ) — dla fizičnych i 3 tysiačy łary (3600 rubloŭ) — dla jurydyčnych asob.
Ciapier čytajuć
«Mikałaja bili, dzie tolki jaho bačyli». Pra katavańni źniavolenaha anarchista Dziadka raskazała advakatka Mackievič2
Kamientary