Režym Łukašenki dapuściŭ svoj udzieł u druhim mirnym samicie pa Ukrainie. Ale pry adnoj umovie
Pasoł Biełarusi ŭ Šviejcaryi Alaksandr Hanievič daŭ intervju kanału RTVI, dzie raspavioŭ, jakim Minsk bačyć svoj udzieł u mirnym pracesie pa Ukrainie, što prapanoŭvaje Łukašenka i ź jakimi ciažkaściami sutyknulisia niekatoryja biełaruskija dypłamaty ŭ Šviejcaryi z-za sankcyj. Pasoł Biełarusi ŭ Šviejcaryi Alaksandr Hanievič daŭ intervju kanału RTVI, dzie raspavioŭ, jakim Minsk bačyć svoj udzieł u mirnym pracesie pa Ukrainie, što prapanoŭvaje Łukašenka i ź jakimi ciažkaściami sutyknulisia niekatoryja biełaruskija dypłamaty ŭ Šviejcaryi z-za sankcyj.
Biełaruś moža pryniać udzieł u druhim mižnarodnym samicie pa ŭrehulavańni kanfliktu va Ukrainie, tolki kali tam budzie ŭdzielničać Rasija. Pra heta biełaruski pasoł u Šviejcaryi Alaksandr Hanievič paviedamiŭ u intervju kanału RTVI.
Biełaruś pakul nichto aficyjna nie zaprašaŭ na druhi mirny samit pa Ukrainie. Ukrainskija ŭłady dapuskali ŭdzieł u im tolki Rasii.
«Ja ŭpeŭnieny, što Biełaruś budzie ŭdzielničać u takim samicie ŭ vypadku ŭdziełu ŭ im Rasijskaj Fiederacyi. Tolki my i Rasija razumiejem, što adbyvajecca va Ukrainie, tamu što my ŭsie — słavianskija narody. Lubyja sproby ŭrehulavać pytańni jeŭrapiejskaj abo jeŭrazijskaj biaśpieki biez udziełu Rasii i Biełarusi absalutna bieśpierśpiektyŭnyja», — zajaviŭ Hanievič.
Na jahonuju dumku, mirnaha płana pa Ukrainie ŭ poŭnym abjomie niama ni ŭ kaho, a ŭ pačatku vajny «tolki ŭ Łukašenki atrymałasia pasadzić udzielnikaŭ kanfliktu za stoł pieramovaŭ na biełaruskaj terytoryi».
«Try raŭndy hetych pieramovaŭ byli praviedzienyja. Bolš za toje, jany mieli pośpiech i efiekt. Potym, na žal, našy ŭkrainskija partniory pad ciskam Zachadu syšli ad hetaha i pieranieśli ŭsio ŭ Turcyju. Na hetym, na žal, usio i skončyłasia.
Prezident naš Alaksandr Ryhoravič Łukašenka prapanoŭvaŭ biełaruskija vojski, pahraničnyja vojski, pastavić jak bufiernuju zonu ŭ Danieckaj vobłaści pamiž ukrainskimi i rasijskimi siłami. Ukrainski bok admoviŭsia, a kali b nie admoviŭsia, to nieviadoma, dzie b my byli ciapier z hetym kanfliktam. My dahetul prapanoŭvajem svaje mahčymaści i namahańni dla taho, kab hety kanflikt skončyŭsia», — padzialiŭsia Hanievič.
Aproč temy Ukrainy, biełaruski pasoł paskardziŭsia na abmiežavańni ŭ adnosinach da niekatorych hramadzian Biełarusi ŭ Šviejcaryi z boku miascovych bankaŭ z-za zachodnich sankcyj.
«Havorka idzie pra adzinkavyja vypadki zakryćcia šviejcarskich rachunkaŭ hramadzian Biełarusi i Rasii, jakija byli datyčnyja da dziejnaści našych hanarovych konsulstvaŭ u Lucernie i Fryburhu. Hety nie inicyjatyva miascovych uładaŭ, a ŭnutranaja palityka bankaŭ, jakaja zaležyć ad druhasnych sankcyj ZŠA. My razam z Rasijaj sprabujem z hetym zmahacca.
Nu a nakont niejkaj dyskryminacyi biełarusaŭ pa nacyjanalnaj prykmiecie nijakich danych u mianie niama», — adznačyŭ Hanievič.
Ciapier čytajuć
Što ludzi kažuć ab prajeździe praz «Bruzhi» i «Bierastavicu» i čamu ŭ apošniaj stajać pa 12 hadzin6
Što ludzi kažuć ab prajeździe praz «Bruzhi» i «Bierastavicu» i čamu ŭ apošniaj stajać pa 12 hadzin
«Naiŭna spadziavalisia zarablać u Jeŭropach, pryjazdžać dadomu lačyć zuby na chalavu i zdavać kvateru». Prapahanda pačała apraŭdvać darahija žyroŭki dla «darmajedaŭ»1919
Kamientary