118 hadoŭ tamu vyjšaŭ pieršy numar pieršaj biełaruskaj lehalnaj haziety
Z šaści numaroŭ čatyry byli kanfiskavanyja.
14 vieraśnia (1 vieraśnia pa starym styli) 1906 hoda ŭ Vilni vyjšaŭ pieršy numar haziety «Naša Dola».
Jana pazicyjanavała siabie jak štotydniovaja lehalnaja hazieta revalucyjna-demakratyčnaha kirunku. Vydavałasia roŭna try miesiacy, razam vyjšła 6 numaroŭ, ź ich 4 byli kanfiskavany, 7-y byŭ źniščany jašče ŭ nabory. Pałova tyražu drukavałasia kirylicaj, pałova — łacinkaj. Razavy tyraž 1-ha numaru skłaŭ 10 tys. asobnikaŭ.
Pačatkovy skład redakcyi hetaj haziety byŭ nievialiki: Fieliks Umiastoŭski, Ałaiza Paškievič (Ciotka), Ivan i Anton Łuckievičy.
Prahrama, pavodle jakoj vychodziła hazieta, uklučała ŭ siabie nastupnyja rubryki: «1) Dziejańni ŭrada; 2) Palityčny ahlad; 3) Žyćcio vioski; 4) Žyćcio horada; 5) Fieljeton; 6) Najnoŭšyja tvory biełaruskaj litaratury; 7) Što čuvać na Biełaj Rusi; 8) Ź Litvy; 9) Pa Rasii; 10) Karespandencyi; 11) Z-za miažy; 12) Što treba i čaho nie treba čytać; 13) Litaraturny dadatak; 14) Novyja knihi; 15) Ź minułaha Biełarusi; 16) Paštovaja skrynia; 17) Sielskaja haspadarka; 18) Praktyčnaja miedycyna; 19) Prykładnaja miechanika; 20) Sumieś; 21) Abviestki.
Redakcyja mieściłasia ŭ budynku, jaki siońnia znachodzicca pa adrasie Vilenskaja, 21.
Na hazietu nieadnarazova nakładvaŭsia aŕšt, a redaktary pryciahvalisia da kryminalnaj adkaznaści.
14 śniežnia 1906 hoda vyjšaŭ apošni numar, ale tryma tydniami raniej, 23 listapada 1906 hoda, vyjšaŭ pieršy numar «Našaj Nivy».
Łukašenka zahavaryŭ pra prarasijskaść Cichanoŭskaha, bajučysia nazvać jaho imia37
Kamientary