U minskaj Hrušaŭcy pradajuć kvateru z maleniečkaj kuchniaj i vialikaj canoj za kvadratny mietr
Na adnym z sajtaŭ z abjavami ab handli nieruchomaściu źjaviłasia takaja prapanova. Niedaloka ad stancyi mietro «Hrušaŭka» pradajuć kvateru ŭ 70-hadovym domie. Kvatera maleńkaja, kuchnia malusieńkaja, a voś košt kvadratnaha mietra davoli vysoki, piša Blizko.by.
Dom na vulicy Chmialeŭskaha, 34 byŭ pabudavany ŭ 1956 hodzie. Heta cahlany 3-paviarchovik.
Kvatera pradajecca na druhim paviersie. Ahulnaja płošča składaje 37 kvadratnych mietraŭ, ź ich žyłaja — 27 kv. m, a kuchnia — usiaho 4,2 kv. m. Płošča adnaho pakoja — 11,7 kv. m, inšaha — 15 kv. m, prytym vialiki pa płoščy pakoj prachadny, ź dźviarnym prajomam pasiaredzinie doŭhaj ściany.
Sanvuzieł sumieščany z płoščaj krychu mienš za 2 kv. m, bałkona niama.
Na nie vielmi vyraznych fatahrafijach možna razhledzieć, što padłohi draŭlanyja, pakrytyja tradycyjnaj dla hoda pabudovy doma rudoj farbaj. Mižpakajovyja dźviery — draŭlanyja ź vialikimi šybami, prytym dźviery pamiž dvuma žyłymi pakojami zroblenyja dvuchstvorkavymi.
U adnym z pakojaŭ jość masiŭnaja šafa-«siekcyja», jana ž «ścienka». Na kuchni — nahravalny kacioł.
Za kvateru chočuć atrymać 69 tysiač dalaraŭ u ekvivalencie. Atrymlivajecca, što ŭ siarednim adzin kvadratny mietr acenieny ŭ 1 865 dalaraŭ.
Heta davoli vysoki ceńnik (prykładna stolki ž kaštuje kvadratny mietr u darahich karkasna-błokavych novabudoŭlach), ale tak zvyčajna i adbyvajecca z kvaterami maleńkich płoščaŭ.
Kali b mietr byŭ acenieny prykładna ŭ 1300 — 1400 dalaraŭ, jak u inšych kvaterach paraŭnalnaha ŭzrostu, to ŭsia kvatera kaštavała b krychu bolš za 48-52 tysiačy dalaraŭ. Takaja cana za dvuchpakajoŭku akazałasia b značna nižejšaj za rynkavuju.
«Zajechaŭ u kvateru i adkryŭ tam biznes». Jak pakarać šumnaha susieda pavodle zakona?
Padaryŭ dziciaci kvateru, ale potym šmat što pamianiałasia. Ci možna admianić daroŭnuju hramatu?
«Staryja špalery i abłuplenaja padłoha». Jak vyhladaje samaja tannaja kvatera Minska, jakaja kaštuje amal 50 tysiač dalaraŭ
Ciapier čytajuć
Dźmitryja Łukašenki nie było z baćkam i bratami na adznačeńni 3 Lipienia19
Kamientary