Prezident ZŠA, jaki ŭžo vypuskaŭ roznyja tavary, ciapier vyvieŭ na rynak dva novyja vodary.
«Parfuma Trump užo tut. Jana nazyvajecca Victory 45-47 [paradkavy numar prezidenctvaŭ Trampa — NN], bo ŭsio krucicca vakoł pieramohi, siły i pośpiechu — dla mužčyn i žančyn. Nabudźcie fłakon i nie zabudźciesia ŭziać jašče adzin dla svaich kachanych.
Na sajcie gettrumpfragrances (heta značyć «atrymajecie vodary Trampa» možna znajści bolš infarmacyi:
«Dla patryjotaŭ, jakija nikoli nie zdajucca, jak prezident Tramp. Hety vodar — vaš bajavy klič u fłakonie. Z kultavym vyjavaj Trampa i padniatym kułakom hety limitavany eau de cologne ŭvasablaje siłu, uładu i pieramohu»
Fłakony vykanany ŭ formie maleńkaha pazałočanaha Trampa. Jany dastupnyja ad 249 dalaraŭ. Dakładnych dadzienych ab pachu abo inhredyjentach niama. U apisańni žanočaha varyjantu skazana:
«Kožny pšyk Victory 47 uvasablaje ŭpeŭnienaść, pryhažość i niastrymnuju rašučaść. Vytančany, tonka žanocki vodar dla luboha vypadku».
Mužčynski vodar, naadvarot, pryznačany dla džentlmienaŭ, «jakija viaduć ź siłaj, upeŭnienaściu i metanakiravanaściu — heta bolš, čym eau de cologne; heta oda stojkaści i pośpiechu».
Pakul krytyki vyśmiejvajuć parfumiernyja idei Trampa, prezident ZŠA robić kasu.
Jon užo vypuskaŭ załatyja krasoŭki, hadzińniki i Biblii. Tavary pradajucca — bo Tramp biznesmien. Nivodny inšy prezident nie zarablaŭ stolki na svaim rekłamnym vobrazie, jak jon. Pavodle źviestak CNN, tolki ŭ 2023 hodzie Tramp zarabiŭ 7,2 miljona dalaraŭ na licenzijnaj uhodzie z kampanijaj NFT INT, LLC, jakaja raspaŭsiudžvaje jaho tavary, piša Bild.
Toje, što robić Tramp, nie zabaroniena. Tym nie mienš uźnikaje kanflikt intaresaŭ. Jak prezident ZŠA jon upłyvaje na amierykanskuju ekanomiku, a značyć, i na ŭłasny biznes. Sam jon, vidać, nie bačyć u hetym prablemy i zaviaršaje svaju rekłamu parfumy ŭ Truth Social z amal telekramnaj lohkaściu: «Atrymlivajcie zadavalnieńnie, atrymlivajcie asałodu — i zastavajciesia na darozie pieramohi».
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary
Superstar lapidaric edition