Biełarus dasłaŭ u šerah rajvykankamaŭ prośby pamianiać movu vuličnych šyldaŭ. Što jamu adkazali
Moŭny aktyvist Ihar Słučak, jaki raniej źviartaŭsia ŭ šerah rajvykankamaŭ z prośbaj pamianiać rasiejskamoŭnyja šyldy z nazvami vulic i inšych hieahrafičnych abjektaŭ na biełaruskija, atrymaŭ niekalki adkazaŭ. Siarod ich — jak stanoŭčyja, tak i admoŭnyja, piša «Radyjo Svaboda».
U Niaśvižskim rajvykankamie Słučaku adkazali, što ciapier u centralnaj častcy Niaśviža «dla zručnaści turystaŭ i haściej horada» jość ukazalniki z najmieńniami vulic pa-rasiejsku, jakija abnavili ŭ 2023 hodzie, tamu «niama nieabchodnaści i dadatkovych finansavych srodkaŭ dla zamieny ich tolki zychodziačy z Vašych pažadańniaŭ».
Ułady Łuninca adkazali, što nie atrymlivali skarhaŭ i prapanoŭ ad žycharoŭ Łuninieckaha rajona nakont zamieny šyldaŭ, tamu «ŭstalavańnie novych ukazalnikaŭ vulic i inšych hieahrafičnych abjektaŭ źjaŭlajecca niemetazhodnym».
U Mścisłavie ŭ adkazie moŭnamu aktyvistu zaznačyli, što «rajon maje šmathadovuju historyju supracoŭnictva z prymiežnymi rajonami Smalenskaj vobłaści RF», i padčas praviadzieńnia znakavych mierapryjemstvaŭ u horadzie ich «haściam i ŭdzielnikam zručna čytać nazvy nasielenych punktaŭ jak na rasiejskaj, tak i biełaruskaj movach». U suviazi z hetym ustalavańnie novych ukazalnikaŭ u miascovym rajvykankamie taksama paličyli «niemetazhodnym».
U Vilejskim rajvykankamie adkazali, što pakolki patrabavańniaŭ da naniasieńnia nadpisaŭ na vuličnych šyldach i ŭkazalnikach adrasoŭ i napramkaŭ pravavymi aktami Respubliki Biełaruś nie ŭstanoŭlena, pierarablać rasiejskamŭnyja nadpisy «niemetazhodna».
U Łahojskim rajvykankamie adkazali, što najaŭnyja šyldy «majuć estetyčny vyhlad i nie zhubili svajoj aktualnaści zhodna zakanadaŭstvu».
Razam z tym, aktyvist atrymaŭ i niekalki stanoŭčych adkazaŭ.
U Vaŭkavysku, Miadziele, Škłovie i Pastaŭskim rajonie aktyvistu paabiacali, što ŭsie novyja vuličnyja šyldy buduć tolki na biełaruskaj movie.
Taksama znaki na biełaruskaj movie pačali stavić na miascovych darohach Babrujskaha rajona, vynikaje z adkazu, jaki aktyvist atrymaŭ ad namieśnika staršyni Babrujskaha rajvykankama.
Ciapier čytajuć
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy7
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było6
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary
Kali ja vykliču santechnika dachaty, ja što budu tualetny aktyvist niejki ŭžo pa hetaj łohicy?