Ihar Słučak napisaŭ rezki kamientar pra ruskamoŭnych biełarusaŭ. Nie vytrymaŭ navat Paźniak
Pad dopisam u dva radki razharnułasia haračaja dyskusija.
«Try rečy, što vyklikajuć ahidu: papiarovyja kaktejlnyja trubki, varanaje sała i biełarusy, što razmaŭlajuć miž saboju pa-rusku», — napisaŭ u fejsbuku abaronca biełaruskaj movy Ihar Słučak.
Častka kamientataraŭ pastavilisia z humaram da vykazvańnia pra kaktejlnyja trubki i varanaje sała. Stali kazać pra varanuju cybulu, słova «Vilnius», pytacca, što nie tak z trubkami.
Ale bolšaść zreahavała na «biełarusaŭ, što razmaŭlajuć pamiž saboj pa-rusku».
«Ale ty ahidnuju dumku vykazaŭ», — zaŭvažyŭ hramadski aktyvist, abaronca pomnikaŭ architektury Juraś Mielaškievič.
«Tak my cudoŭnuju RB budučyni nie pabudujem», — adkazaŭ błohier, prankier i muzykant Andrej Pavuk.
«Skarhu u biełaruskuju milicyju ŭžo napisali?» — jachidna adkazaŭ sacyjołah Filip Bikanaŭ, namiakajučy na praktyku skarhaŭ Słučaka.
«Jak ža vy nienavidzicie biełarusaŭ, kali ŭličyć, što 95% havorać pa-rusku! A kali surjozna, to vaš post — najlepšy kamientar da razvah pra talerantnaść biełarusaŭ. Brava!» — byŭ jašče kamientar.
Nie vytrymaŭ navat Zianon Paźniak: «Darahi druža. U hetaj vajnie biełarusam važna taksama źbierahčy samaidentyfikacyju. Bo ataka idzie nie tolki na movu. Tamu aściarožna sa słovami (navat kali niaścierpna). Chto źbiaroh samaidentyfikacyju, toj vierniecca ŭ movu, kali źmienicca čas. Chto siabie straciŭ, toj niezvarotny».
-
Cyhankoŭ: Babaryka značna bližejšy da pazicyi ofisa Śviatłany Cichanoŭskaj, čym da vykazvańniaŭ «babarykancaŭ»
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
Ciapier čytajuć
Statkievič raskazaŭ, jak vyžyvaŭ u źniavoleńni. I čym zajmajecca ciapier1
Kamientary