Zialenski pra zachoplenuju častku Kurskaj vobłaści: My pieraviarnuli hulniu i vyciaśniajem vajnu na terytoryju Rasii
Prezident Ukrainy na bazie Ramštajn taksama zajaviŭ, što Rasija rychtavała nastup na Sumskuju vobłaść z Kurskaj vobłaści.
Bolš za 1,3 tysiačy kvadratnych kiłamietraŭ Kurskaj vobłaści ŭ ciapierašni čas znachodzicca pad kantrolem USU, śćviardžaje prezident Ukrainy Uładzimir Zialenski. Jon zajaviŭ pra heta na pasiadžeńni kantaktnaj hrupy pa pytańniach abarony Ukrainy, jakaja prachodzić na avijabazie NATO Ramštajn u Hiermanii.
«I heta ŭklučaje 100 nasielenych punktaŭ. Značnaja častka hetaj terytoryi była pakinuta rasijskimi vojskami. Jany prosta biehli, kali ŭbačyli nabližeńnie našych vojskaŭ. Značnaja častka terytoryi była ŭziataja pad kantrol našymi vojskami padčas boju», — skazaŭ Zialenski.
Rasijskija vajskoŭcy štodnia zajaŭlajuć ab adbićci sprobaŭ USU nastupać u Kurskaj vobłaści, ukrainskaje ŭvarvańnie ŭ jakuju pačałosia miesiac tamu — 6 žniŭnia.
Uładzimir Pucin, vystupajučy na forumie va Uładzivastoku, śćviardžaŭ, što rasiejskija vajskoŭcy «stabilizavali situacyju» ŭ Kurskaj vobłaści i pačali «pastupova vyciskać» USU z terytoryi Rasiei.
Zialenski na bazie Ramštajn taksama zajaviŭ, što Rasija nibyta rychtavała nastup na Sumskuju vobłaść z Kurskaj vobłaści.
«Siońnia roŭna miesiac z pačatku našaj apieracyi ŭ Kurskaj vobłaści Rasii. Heta pamiežža, ź jakoha Pucin rychtavaŭsia raspaŭsiudzić vajnu na ŭkrainskuju terytoryju. Jon rychtavaŭsia pačać novy nastup suprać našaha horada Sumy. My pieraviarnuli hulniu i vyciaśniajem vajnu na terytoryju Rasiei dziakujučy našamu kontrnastupleńniu», — cytuje jaho «Ukrainskaja praŭda».
Ciapier čytajuć
Što moža čakać tych, kaho buduć sudzić pa spravie «Biełaruskaha Hajuna»?1
Kamientary