«Za apošnija šeść dzion praciŭnik nie prasunuŭsia ni na mietr u kirunku Pakroŭska» — Syrski
Hałoŭnakamandujučy Uzbrojenych siłaŭ Ukrainy Alaksandr Syrski daŭ ekskluziŭnaje intervju telekanału CNN, jakoje stała dla jaho pieršym televizijnym intervju z momantu pryznačeńnia na pasadu. U im Syrski davoli padrabiazna kranuŭsia pytańnia ŭkrainskaj apieracyi ŭ rasijskaj Kurskaj vobłaści, acaniŭšy jaje jak paśpiachovuju, pakolki jana dazvoliła spynić nastupleńnie rasijskaj armii.
Pavodle słoŭ Syrskaha, Rasija płanavała pačać novuju ataku na Ukrainu z Kurskaj vobłaści pierad nastupleńniem ukrainskich vojskaŭ na jaje miesiac tamu, ale ŭkraincy ich apiaredzili.
«Heta źniziła pahrozu varožaha nastupu. My nie dali im dziejničać. My pieranieśli bajavyja dziejańni na terytoryju praciŭnika, kab [vorah] moh adčuć toje, što adčuvajem my kožny dzień», — skazaŭ Syrski.
Jon taksama vykłaŭ asnoŭnyja mety apieracyi: nie dać Rasii vykarystoŭvać Kursk u jakaści płacdarma dla novaha nastupu, adciahnuć siły Maskvy ad inšych rajonaŭ, stvaryć zonu biaśpieki i praduchilić abstreł hramadzianskich abjektaŭ praź miažu, a taksama zachapić vajennapałonnych i padniać maralny duch ukrainskich vojskaŭ i krainy ŭ cełym.
U intervju, jakoje było zapisana ŭ sakretnym miescy niedaloka ad linii frontu, hienierał adznačyŭ, što Maskva pierakinuła ŭ Kursk dziasiatki tysiač sałdat, uklučajučy svaje najlepšyja padraździaleńni.
Syrski pryznaŭ, što Ukraina znachodzicca pad vielizarnym ciskam u rajonie Pakroŭska na ŭschodzie Ukrainy, adnak ukrainskim vojskam, ź jahonych słoŭ, udałosia spynić rasijski nastup na hetym kirunku.
«Za apošnija šeść dzion praciŭnik nie prasunuŭsia ni na mietr u kirunku Pakroŭska. Inšymi słovami, naša stratehija pracuje», — zajaviŭ jon.
«My pazbavili ich mahčymaści manieŭravać i pierakidvać siły ź inšych kirunkaŭ […] I heta pasłableńnie jaŭna adčuvajecca na inšych napramkach. My adznačajem, što kolkaść artyleryjskich abstrełaŭ, a taksama intensiŭnaść nastupu źnizilisia», — adznačyŭ Syrski.
Pucin nazvaŭ «śviatym abaviazkam» vycisnuć USU z Kurskaj vobłaści
Zialenski zajaviŭ, što ziemli na Kurščynie Ukrainie nie patrebnyja, ale ich buduć utrymlivać
Biełarusaŭ zaklikajuć pieradavać na dapamohu Kurskaj vobłaści Rasii ŭsio: i trusy sa škarpetkami, i navat muku
Pucin paabiacaŭ razabracca z «bandytami, jakija zabralisia ŭ Kurskuju vobłaść»
Stołtenbierh: Nastup USU pad Kurskam zakonny
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB28
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ66
Kamientary