Rasijski ŭdar «Iskanderam» pa Pałtavie: 51 zabitych i 270 paranienych
Rasijanie 3 vieraśnia nanieśli ŭdar pa Instytucie suviazi ŭ Pałtavie. Byli vypuščanyja dźvie balistyčnyja rakiety.
Pramiežak pamiž tryvohaj i prylotam rakiet byŭ nastolki karotkim, što zastaŭ ludziej u momant evakuacyi ŭ bambaschoviščy.
Častkova razburany adzin z budynkaŭ instytuta, a taksama šerah susiednich budynkaŭ, mnohija ludzi apynulisia pad zavałami. Dziakujučy zładžanaj pracy ratavalnikaŭ i miedykaŭ udałosia vyratavać 25 čałaviek, ź jakich 11 debłakavanyja z-pad zavałaŭ.
Pieršuju aficyjnuju infarmacyju pra ŭdar daŭ asabista prezident Ukrainy Uładzimir Zialenski.
Na hety momant viadoma pra 51 zabitaha, bolš za 270 paranienych.
Mahčyma, hetaja ličba achviar niekančatkovaja i budzie raści.
Ciapier u Pałtavie abjaŭleny ekstrany zbor donarskaj kryvi ŭsich hrup.
Kamientary