Dva vidy tytuniu zvyčajnaha — «Biełaruski cyharetny» i «Biełaruski cyharny» vyraścili na doślednych dzialankach Tułava pad Viciebskam.
Namieśnik dyrektara Viciebskaha zanalnaha instytuta pa navukovaj rabocie Viktar Sacišur raspavioŭ, što tytuń maje vyšyniu 180 — 200 santymietraŭ i vialikuju kolkaść liścia (da 22 štuk) na ściable charaktaryzujucca vysokaj uradžajnaściu. Raniej jany byli rajaniravany dla pramysłovaha vyroščvańnia ŭ Bresckaj, Hrodzienskaj i Homielskaj abłaściach. Z hetaha hoda śpis papoŭnić Viciebščyna, piša sb.by.
— Na siońnia sabrali pa 12 liścia z kožnaj raśliny. Na čarzie astatnija. Ciopłaje nadvorje spryjaje aptymalnamu paśpiavańniu tytuniu, uborku jakoha płanujem zaviaršyć da siaredziny vieraśnia.
Z hiektara hatunkaŭ možna atrymać 22 — 25 centnieraŭ suchoj syraviny. U Viciebskim zanalnym instytucie sielskaj haspadarki raźličvajuć vyjści mienavita na takuju ŭradžajnaść. Dalej pradstaviać vynik dehustacyjnaj kamisii Hrodzienskaj tytuniovaj fabryki.
Kamientary
A tut, nu treba ž, jakoje dziva, tytuń vynajšli! A štany časam u Biełarusi jašče nie vynajšli dzieści ? Napišycie... :)))