Hramadstva55

«Moskovskij komsomolec» vydaliŭ svoj artykuł pra Łukašenku paśla skarhi Dziermanta

Na dumku praŭładnaha palitołaha, vydańnie abraziła nie tolki Łukašenku, a ŭvieś biełaruski narod.

Rasijskaje vydańnie «Maskoŭski kamsamolec» vydaliła svoj materyjał, jaki pryśviaciła 70-hodździu Łukašenki, paśla skarhi praŭładnaha palitołaha Alaksieja Dziermanta, piša «Miedyjazona»

U siabie ŭ telehram-kanale Dziermant paskardziŭsia, što «Maskoŭski kamsamolec» vypuściŭ «nie prosta niekarektny, ale zusim abraźlivy materyjał». Pryčym, na dumku palitołaha, vydańnie abraziła nie tolki Łukašenku, a ŭvieś biełaruski narod. 

«Ja nie chaču fihuravać dla prykryćcia antybiełaruskich vypadaŭ u adnym materyjale z maskoŭskimi libierałami, jakija razvažajuć pra našu krainu praz hubu, i z adkrytym voraham našaha Sajuza, škodnikam i fihurantam kryminalnaj spravy, zaviedzienaj na jaho ŭ Biełarusi i ŭ Rasii. Bolš nijakich kamientaroŭ ja hetamu vydańniu nie daju», — piša Dziermant.

Paźniej palitołah napisaŭ, što «Maskoŭski kamsamolec» źniaŭ materyjał, na jaki skardziŭsia Dziermant, z publikacyi.

U veb-archivie zastaŭsia artykuł vydańnia. U im rasijskija palitołahi razvažajuć pra «sakrety palityčnaha daŭhalećcia Łukašenki». U kancy materyjału prysutničaje i kamientar Dziermanta, dzie biełaruski palitołah kaža, što Łukašenka adnolkava blizki i da rasijanaŭ, i da biełarusaŭ.

«Jon blizki ludziam pierš za ŭsio tym, što jon sam vychadziec z naroda, nie ź niejkaj elitnaj siamji, nie z namienkłatury, jon čałaviek ź vioski, ad ziamli, ad sachi, ad kasy, jaki doŭha padymaŭsia na viaršyni ŭłady dziakujučy svaim talentam, a nie suviaziam. I, napeŭna, ludzi heta adčuvajuć i daviarajuć jamu. Akramia taho, u suśvietnaj palitycy jon zavajavaŭ sabie imia tym, što pravodzić niezaležnuju palityku, nie mianiaje pryncypy, nie prahinajecca pad dyktat Zachadu i pry hetym zachoŭvaje tradycyjnyja suviazi, sajuz z Rasijaj. I heta vyklikaje ŭ mnohich adabreńnie jaho palityki», — pryvodzić vydańnie kamientar Dziermanta.

Nieviadoma, što z hetaha Dziermant paličyŭ «abrazaj», ale rasijskamu vydańniu daviałosia cenzuravać svoj materyjał pa skarzie biełaruskaha palitołaha ŭ dzień naradžeńnia Łukašenki.

Kamientary5

  • Ničoha nieviadoma
    30.08.2024
    Ech, nabrała, vidać, moładzi darahaja redakcyja, raz joj "nieviadoma, što paličyŭ abrazaj". A miž tym, u artykule kamientar Suzdalcava, jaki byŭ departavany z RB jašče ŭ 2006 jak "pahroza nacbiaśpiecy" i telehram-kanał jakoha adnosna niadaŭna pryznali "ekstremisckim" i kryminałku byccam zaviali za "ekstremiźm". Pra heta Dziermant i zhadvaje, nie nazyvajučy imia.
  • hladač
    30.08.2024
    Dierman, ty abražaješ ŭvieś biełaruski narod kali źjaŭlaješsia sa svaimi kamientarami na BT.
  • paet Ćviecik
    30.08.2024
    Dziermant, nie kažy za ŭsiu Adesu,
    Dziermant, nie kažy pra Biełaruś!
    Zarablaj rekłamaj "Kamsamołki",
    Ja ž biez tvaich dumak abajduś.

Ciapier čytajuć

Śledam za «Jeŭraoptam» vobšuki adbylisia i ŭ «Dabranomie»3

Śledam za «Jeŭraoptam» vobšuki adbylisia i ŭ «Dabranomie»

Usie naviny →
Usie naviny

Wildberries adkazaŭ na situacyju ź biełaruskaj, jakaja zakazała 34 kupalniki2

«Papierka, a nie padstava dla vyjezdu». Biełarusa z polskim prajaznym dakumientam nie puścili na samalot

U jakich haradach Biełarusi budujuć najbolš žytła? Roźnica pamiž uschodam i zachadam uražvaje10

Padčas načnoj ataki Ukraina straciła F-16

U Mahilovie mužčyna ŭdaryŭ milicyjanta nažom u žyvot, a potym zahinuŭ u pahoni5

Abvinavačańnie ŭ padpałach damoŭ, źviazanych z premjeram Brytanii, vystaŭlena 21-hadovamu ŭkraincu

U biełaruskich kinateatrach kruciać film pra vajnu, ad jakoha zapłakaŭ Pucin. Što heta za kino?12

Vyznačylisia ŭsie finalisty «Jeŭrabačańnia-2025»

Kramloŭskaja mietadyčka ŭžo nastrojvaje prapahandystaŭ, jak treba pisać pra pravał pieramoŭ u Stambule4

bolš čytanych navin
bolš łajkanych navin

Śledam za «Jeŭraoptam» vobšuki adbylisia i ŭ «Dabranomie»3

Śledam za «Jeŭraoptam» vobšuki adbylisia i ŭ «Dabranomie»

Hałoŭnaje
Usie naviny →

Zaŭvaha:

 

 

 

 

Zakryć Paviedamić