Žančyna ŭ tyktoku pakazała, jak vyhladaje numar u haścinicy ŭ pasiołku Akciabrski Homielskaj vobłaści, ale mnohija joj nie pavieryli.
Pra heta piša vydańnie «Zierkało».
Błohierka źniała na videa numar u haścinicy ŭ pasiołku Akciabrski, sutki pražyvańnia ŭ jakim kaštujuć 72 rubli. Miarkujučy pa infarmacyi z kamientaroŭ, havorka idzie pra trochzorkavuju haścinicu, jakaja nazvanaja pa naźvie nasielenaha punkta. Haścinicaj u centry pasiołka kiruje kamunalnaje pradpryjemstva.
«Nu što ž, my viartajemsia ŭ Saviecki Sajuz, niachaj žyvie SSSR!» — uskliknuła žančyna, zajšoŭšy ŭ pakoj.
Spačatku jana źviarnuła ŭvahu na afarbavanyja biełaj farbaj uvachodnyja dźviery, jakija začynialisia klamkaj, a z unutranaha boku dźviarej byŭ čyrvony znak u vyhladzie pierakreślenaj cyharety i nadpis «Nie kuryć!».
«Sanvuzieł i lusterka jość. Oba-na, jakija tut adkosiki pryhožyja», — pierajšła tyktokierka ŭ tualet, sumieščany z dušam.
Ścieny nievialikaha sanvuzła byli ablicavany biełaj kaflaj, padobna, zroblenaj jašče da «pierabudovy», miescami byli ŭstaŭki kafli inšaha koleru. Na padłozie taksama była kafla, miescami pakrytaja ablezłaj farbaj i zalapanaja cemientam. Mabyć, paddon duša taksama byŭ kaliści afarbavany, ale bolšaja častka pakryćcia ŭžo ścierłasia.
«A łožki jakija! Televizar jość navat, heta vam nie chuchry-muchry», — skazała žančyna, zajšoŭšy ŭ pakoj i ŭbačyŭšy staryja łožki, tumbački i televizar-kubik.
Bolšaść hledačoŭ ździvilisia, a niekatoryja i nie pavieryli, što takija ŭmovy mohuć być u hateli Biełarusi. Niekatoryja ludzi zastupilisia za «Akciabrskuju», maŭlaŭ, heta pravincyja.
«Dy heta pravincyja, heta narmalna dla takich nieprajaznych haradoŭ, sumna, ale fakt. Dyk jašče i 72 rubli. Ale što majem, toje majem, treba im sponsaraŭ šukać».
«Heta ŭ Biełarusi ŭ Akciabrskim? Jaki ŭ Homielskaj vobłaści? Nie moža takoha być, vy padmanvajecie», «Oho, ty pabyvała ŭ minułym», «Jakija sutki [72 rubli]? Heta za 5 hadoŭ napierad», «Usio ž taki ŭ pałatcy kruciej», — adhuknulisia inšyja kamientatary.
Pamiatajecie rektarku Hrodzienskaha ŭniviera, jakaja ŭzarvała tyktok? Na piaty joj nastupaje rektar z Połacka
Rufiery zaleźli na šmatpaviarchovik u Minsku i źniali na videa navalnicu. Zaraz ich budzie šukać milicyja
Kvietkavaja krama pasadziła pamidory na vulicy. Uradžaj skrali prosta z-pad kamier videanazirańnia
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju1
Kamientary