Tramp upieršyniu vystupiŭ pad adkrytym niebam paśla zamachu na siabie. Jon stajaŭ za kulenieprabivalnym škłom
Padčas svajho vystupu nazvaŭ «ahidnym» eks-prezidenta ZŠA Baraka Abamu.
Kandydat u prezidenty ZŠA Donald Tramp pravioŭ sustreču sa svaimi vybarščykami pad adkrytym niebam upieršyniu paśla pieražytaha zamachu na zabojstva. Jon, adnak, stajaŭ za kulenieprabivalnym škłom, piša Los Angeles Times.
Padčas svajho vystupu nazvaŭ «ahidnym» eks-prezidenta ZŠA Baraka Abamu. Taksama jon abvinavaciŭ dziejnaha lidara Biełaha doma Džo Bajdena i jahonaha vice-prezidenta Kamału Charys u «śmiarotnym» vyvadzie vojskaŭ z Afhanistana i raźviazvańni vojnaŭ va Ukrainie i na Blizkim Uschodzie.
U svajoj pramovie Tramp zajaviŭ, što «Abama stralaŭ u vašaha prezidenta, i Mišel taksama», a taksama abvinavaciŭ eks-prezidenta ZŠA i jahonuju žonku ŭ tym, što jany «pierachodziać na asabistaje».
Taksama lidar respublikancaŭ vyśmiejaŭ svaju apanientku na budučych vybarach Kamału Charys, nazvaŭšy jaje «tavaryš Kamała» i zajaviŭ, što ŭmieje zakančvać vojny telefonnym zvankom.
Zamach na Donalda Trampa byŭ ździejśnieny 13 lipienia padčas pieradvybarčaha mitynhu ŭ Batlery (Piensilvanija). Kula prabiła jamu vierchniuju častku vucha. Ličycca, što stralaŭ Tomas Kruks, jakoha zabiŭ supracoŭnik Sakretnaj słužby.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ9
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1111
Kamientary