U Minsku stvorać adzinuju dziažurna-dyśpietčarskuju słužbu. U jaje ŭvojduć bolš za 20 arhanizacyj
Meta stvareńnia adzinaj słužby — mahčymaść dla ludziej źviarnucca pa ekstrannuju dapamohu na adziny telefonny numar «112».
Adzinaja dziažurna-dyśpietčarskaja słužba budzie stvorana ŭ stalicy, adpaviednaje rašeńnie №2965 ad 1 žniŭnia pryniaŭ Minharvykankam, dakumient aficyjna apublikavany na Nacyjanalnym pravavym internet-partale. U skład słužby ŭvojdzie 21 arhanizacyja, piša «Sputnik».
Siarod ich: Minskaje haradskoje ŭpraŭleńnie MNS, Hałoŭnaje ŭpraŭleńnie ŭnutranych spraŭ Minharvykankama, Haradskaja stancyja chutkaj miedycynskaj dapamohi, staličny haradski centr hihijeny i epidemijałohii, profilnyja pradpryjemstvy «Minhaz», «Minskenierha» i «Minskkamunciepłasietka».
Taksama ŭ słužbu ŭvojduć takija transpartnyja struktury, jak «Minsktrans», Nacyjanalny aeraport Minsk, Minskaje adździaleńnie BČ, staličny mietrapaliten.
Akramia taho, u składzie buduć Minskaje haradskoje ŭpraŭleńnie Departamienta pa nahladzie za biaśpiečnym viadzieńniem rabot u pramysłovaści MNS, filijał «Minskaja haradskaja telefonnaja sietka» «Biełtelekama», «Harramaŭtadar Minharvykankama», «Minskzielenbud», «Minskvodakanał», «Minharśviatło», haradskaja avaryjnaja słužba, Centr infarmacyjnych technałohij Minharvykankama, AAT «Liftservis» i transpartnaja inśpiekcyja Mintransa.
Jak adznačajecca ŭ dakumiencie, meta stvareńnia adzinaj słužby — zabieśpiačeńnie hramadzian mahčymaściu źviarnucca pa ekstrannuju dapamohu na adziny telefonny numar «112».
Taksama jaje stvareńnie dazvolić «apieratyŭna reahavać na pahrozu abo ŭźniknieńnie nadzvyčajnaj situacyi».
Usie paviedamleńni, jakija pastupajuć na dadzieny numar, buduć analizavacca i ŭ zaležnaści ad ich charaktaru dyśpietčar budzie nakiroŭvać u padraździaleńni pa nadzvyčajnych situacyjach abo pieraadrasoŭvać u adpaviednuju arhanizacyju Minska, jakaja taksama ŭvachodzić u adzinuju dziažurna-dyśpietčarskuju słužbu.
Adziny numar
Nahadajem, u Biełarusi ŭžo nie pieršy hod pracuje adziny numar «112», pa jakim možna patelefanavać, kali ŭźnikła nadzvyčajnaja situacyja abo inšyja zdareńni, abo kali pahražaje niebiaśpieka.
Pa hetym numary možna patelefanavać, navat kali ŭ telefonie niama SIM-karty abo adsutničaje sietka luboha mabilnaha apieratara, a taksama pry admoŭnym bałansie.
Na zvanok adkazvaje dyśpietčar MNS najbližejšaha centra apieratyŭnaha kiravańnia, jaki pieraadrasoŭvaje vyklik u nieabchodnyja słužby ekstranaha i avaryjnaha reahavańnia.
Kamientary