Karpienka pasprabavaŭ prakamientavać infarmacyju pra mahčymuju datu vybaraŭ
Pavodle jaho słoŭ, CVK «hatovy pravieści vybary ŭ luby momant».
Raniej Biełpoł sa spasyłkaj na svaje krynicy paviedamiŭ, što siomyja prezidenckija vybary projduć pry kancy zimy, 23 lutaha 2025 hoda. Kiraŭnik CVK Ihar Karpienka, imavierna, siońnia na sustrečy ŭ Linhvistyčnym univiersitecie prakamientavaŭ hetu infarmacyju.
«U adpaviednaści z zakanadaŭstvam, adšturchvajučysia ad inaŭhuracyi prezidenta Respubliki Biełaruś u 2020 hodzie, apošniaja data praviadzieńnia vybaraŭ prezidenta — nie paźniej za 20 lipienia 2025 hoda. Rašeńnie ab pryznačeńni vybaraŭ prymaje Pałata pradstaŭnikoŭ, — skazaŭ Ihar Karpienka. — Treba padkreślić, što prezidenckija vybary zaviaršajuć tuju maštabnuju palityčnuju madernizacyju, jakuju zapuściŭ respublikanski refierendum, uniosšy źmieny i dapaŭnieńni ŭ Kanstytucyju Respubliki Biełaruś u 2022 hodzie. I łahična, što vybary prezidenta, jak važnaj haliny ŭłady, jakaja kaardynuje inšyja haliny ŭłady, — dastatkova važny instytut u hetaj palityčnaj madernizacyi.
Tamu budziem čakać rašeńnia Pałaty pradstaŭnikoŭ. CVK hatovy da praviadzieńnia vybaraŭ u luby momant».
Pavodle jaho, CVK užo padrychtavanyja mietadyčnyja rekamiendacyi.
«My navučajem patencyjnych arhanizataraŭ vybaraŭ. Na bazie Akademii kiravańnia arhanizavany adpaviednyja kursy. My razharnuli takija kursy na bazie instytutaŭ raźvićcia adukacyi ŭ rehijonach. Treba razumieć, što, dapuścim, u adziny dzień hałasavańnia ŭ nas amal 70 tysiač čałaviek było zadziejničana tolki ŭ pracy kamisij. Heta vielizarnaja armija hramadskich dziejačaŭ i, viadoma, treba dzieści niuansy źmienienaha vybarčaha zakanadaŭstva vyvučyć, technałahičnyja padychody, adnastajnaje prymianieńnie hetaha zakanadaŭstva na praktycy hałasavańnia. Hetaja praca taksama viadziecca», — padkreśliŭ kiraŭnik CVK.
«My, naturalna, pracujem z terytoryjami pa vyznačeńni miescaŭ, dzie buduć prachodzić vybary, heta značyć učastki dla hałasavańnia. Niešta treba padramantavać, niejkaje abstalavańnie zakupić dadatkovaje.
My płanamierna pracujem u hetym kirunku. I heta zvyčajnaja źjava, kali paśla praviadzieńnia adnych vybaraŭ CVK pačynaje padrychtoŭku da nastupnych vybaraŭ paśla zakančeńnia terminu paŭnamoctvaŭ taho ci inšaha orhana, jaki abirajecca», — dadaŭ Ihar Karpienka.
Ciapier čytajuć
Novy Niurnbierh. Jeŭropa stvaraje Śpiectrybunał pa vajnie va Ukrainie — ci zmohuć asudzić Łukašenku?7
Kamientary
Ili Vy nie znajetie. čto idut tajnyje biesiedy mieždu ahrofiurierom i Zapadom.