Minfin Litvy prapanavaŭ razarvać pahadnieńnie ab mytnym supracoŭnictvie ź Biełaruśsiu
Pahadnieńnie dziejničała amal 30 hadoŭ.
Ministerstva finansaŭ prapanuje skasavać padpisanyja amal try dziesiacihodździ tamu pahadnieńni ab mytnym supracoŭnictvie ź Biełaruśsiu, a taksama Rasijaj. Jano padrychtavała prajekty pastanovaŭ urada, jakija praduhledžvajuć heta, paviedamlaje LRT.
Sa słoŭ pradstaŭnikoŭ ministerstva, z pačatku šyrokamaštabnaj ahresii Rasii suprać Ukrainy litoŭskaja mytnia nie supracoŭničała i nie abmieńvajecca infarmacyjaj z mytnymi słužbami Rasii i Biełarusi.
Adnak asoby, jakija majuć handlovyja adnosiny z hetymi krainami, pa danych Ministerstva, pradastaŭlajuć mytniam i sudam dakumienty, vydadzienyja mytnymi orhanami hetych krain, u jakaści dokazu zakonnaści handlu i zachavańnia mižnarodnych sankcyj.
Pahadnieńnie ź Biełaruśsiu ab supracoŭnictvie ŭ baraćbie z parušeńniami mytnaha zakanadaŭstva było padpisana ŭ lipieni 1996 hoda ŭ Vilni, a pahadnieńnie z Rasijaj ab supracoŭnictvie i ŭzajemnaj dapamozie ŭ halinie mytnaj dziejnaści — u lutym 1995 hoda ŭ Maskvie.
Denansacyja damovy ź Biełaruśsiu, jakaja była ratyfikavanaja ŭ vieraśni 2000 hoda, jašče pavinna być uchvalenaja prezidentam Naŭsiedam i Siejmam.
-
«Nie prosta zapalvajem, a adradžajem tradycyju». Lichtarščyk z Bresta raskazaŭ pra mahiju śviatła, huzik na ŭdaču i staradaŭniuju muzyku
-
U vioscy pad Brestam miascovyja žychary rehularna kanfliktujuć z adpačyvalnikami. Dajšło da abstrełu elektramabila
-
Biełaruś zajmaje druhoje miesca pa papularnaści dla studentaŭ z Rasii
Ciapier čytajuć
Pavietranaja himnastka pakazała zakuliśsie pracy ŭ Biełdziaržcyrku8
Kamientary