Zakončyŭsia sud pa rezanansnaj spravie za «padrychtoŭku akta teraryzmu» na Dzień Pieramohi
Skončyŭsia sud nad biełarusami, jakich abvinavačvali ŭ padrychtoŭcy teraktu na Dzień Pieramohi. Praces prachodziŭ u Minskim haradskim sudzie ŭ zakrytym režymie.
Sudzili piać čałaviek: 25-hadovaha Valera Vodzina (zavočna), Andreja Hryhorjeva, 30-hadovuju Viktoryju Vołčak, 25-hadovuju Hannu Savačkinu i jaje maci Taćcianu Rusak. Ich abvinavačvali ŭ tym liku ŭ «zdradzie dziaržavie» (č. 1 art. 356 KK) i «padrychtoŭcy da aktu teraryzmu» (č. 1 art. 13 i č. 2 art. 289 KK), paviedamiŭ PC «Viasna».
Pravaabaroncam stała viadoma, što 25-hadovaha Valera Vodzina sudzili ŭ paradku śpiecvytvorčaści i pryznačyli 20 hadoŭ kałonii i bujny štraf u pamiery 600 bazavych vieličyń (24 000 rubloŭ). Pakarańni jašče čatyrom fihurantam vyśviatlajucca.
15 traŭnia 2023 hoda na ANT vyjšaŭ prapahandyscki film «Zabojnaja pasyłka» śmierci: chto i jak chacieŭ ździejśnić terakt u Dzień Pieramohi».
Tam paviedamlałasia, što nibyta KDB da Dnia pieramohi 9 traŭnia 2023 hoda «praduchiliŭ terakt pad kuratarstvam Kijeva». Pa viersii ANT, vybuchoŭka znachodziłasia ŭ elektryčnych plitach, jakija dasłali zatrymanym praz pasyłki.
Arhanizataram akcyi nazvali biełarusa Valeryja Vodzina, jaki ŭ pačatku lutaha 2023 hoda vyjechaŭ va Ukrainu i dałučyŭsia da dobraachvotnikaŭ u Pałku Kalinoŭskaha. Chłopiec nibyta pierasyłaŭ u Biełaruś nastolnyja elektraplity, kab ź ich vykarystańniem ździejśnić «terakt na 9 traŭnia».
Zabrać i schavać ich jon prasiŭ svaich znajomych, jakich zatrymali.
Śćviardžałasia, što Vodzin atrymaŭ zadańnie ad Hałoŭnaha ŭpraŭleńnia raźviedki Minabarony Ukrainy.
Ahułam ciapier usich sudzili pavodle šaści ciažkich i asabliva ciažkich artykułach Kryminalnaha kodeksa:
č. 1 art. 356 KK (zdrada dziaržavie);
č. 2 art. 289 (akt teraryzmu);
č. 1 art. 361-3 (udzieł na terytoryi zamiežnaj dziaržavy va ŭzbrojenym farmiravańni abo ŭzbrojenym kanflikcie, vajennych dziejańniaŭ, viarboŭka albo padrychtoŭka asob da takoha ŭdziełu);
č. 4 art. 295 (niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ);
č. 3 art. 361-1 (stvareńnie ekstremisckaha farmavańnia albo ŭdzieł u im);
č. 2 art. 333-1 (niezakonnaje pieramiaščeńnie praź dziaržmiažu Biełarusi bojeprypasaŭ, a taksama inšych vidaŭ uzbrajeńnia i vajennaj techniki).
Spravu ŭ zakrytym režymie razhladaŭ Siarhiej Chrypač, viadomymi svaimi žorstkimi prysudami pa palityčnych spravach.
Ciapier čytajuć
«Mis Biełaruś» usio bolš nahadvaje konkurs pryhažości ŭ haremie24
Kamientary