«Kupi torbu i raskazvaj usim, što byŭ u Paryžy!» Na «Kufary» pradajuć promapradukcyju Alimpijady
Alimpijskija hulni ŭ Francyi jašče nie skončylisia, a na anłajn-barachołkach užo možna znajści suvieniry adtul. Pahladzieli, kolki za ich chočuć atrymać pradaŭcy.
Treba adznačyć, što pakul na «Kufary» nie šmat prapanoŭ, ale toje-sioje adšukać mahčyma.
Naprykład, niechta ŭ Frunzienskim rajonie Minska pradaje zaplečnik z łahatypam Alimpijady za 200 rubloŭ. Na aficyjnym sajcie taki ciapier kaštuje 21 jeŭra (kala 72 rubloŭ).
U Leninskim rajonie stalicy možna nabyć srebranuju manietu, pryśviečanuju 30-m Alimpijskim hulniam u Paryžy. Naminał — 10 jeŭra. Paryžski manietny dvor čakaniŭ takija tyražom 100 tysiač ekzemplaraŭ. Pradajuć jaje za 79 rubloŭ.
Za kubačak z alimpijskimi kolcami pradaviec ź Viciebska prosić 45 rubloŭ.
Darečy, samaje kreatyŭnaje apisańnie tavaru prydumaŭ pradaviec šopiera z łahatypam Alimpijady: «Nie trapiŭ u zbornuju krainy? Nie adkryli vizu? Niama hrošaj na bilety? Kupi sumku i raskazvaj usim, što ty tam byŭ!». Jon śćviardžaje, što litaralna tolki što pryvioz torbačku z Paryža i karystaŭsia joju tolki adnojčy. Za taki tavar choča atrymać 35 rubloŭ.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ1717
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ17
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary