Ad mastaka Kuźmiča, jaki raskapaŭ mahiłu van Hoha, patrabujuć pakinuć terytoryju ES
Jaho taksama aštrafavali na 3000 jeŭra.
U fejsbuku mastaka Alaksieja Kuźmiča apublikavali rašeńnie suda pa vynikach jahonaha pierformansu na mahile Vinsenta Van Hoha.
«Paśla zatrymańnia na akcyi Renaissance, nad Alaksiejem Kuźmičam adbyŭsia sud u Tribunal de Pontoise. Prysudzili ahulny štraf 3000 jeŭra, miesiac umoŭnaha źniavoleńnia i departacyju ŭ krainu pachodžańnia, h. zn. u Biełaruś. Ciapier Alaksiej znachodzicca ŭ departacyjnym centry (…) jaki, pa sutnaści, źjaŭlajecca turmoj, dzie znachodziacca źniavolenyja, jakija adbyli termin u kałonii i čakajuć adpraŭki dadomu. Rašeńni suda pa departacyi nižej. Novyja padrabiaznaści źjaviacca pa miery pastupleńnia infarmacyi»
U rašeńni suda havorycca, što Kuźmič pavinien pakinuć terytoryju ES, bo jon znachodziŭsia na terytoryi Francyi niezakonna. Taksama jamu zabaranili na dva hady ŭjazžać u Francyju.
Alaksieja Kuźmiča zatrymali 29 lipienia ŭ Avier-siur-Uvaz pad Paryžam na mahile mastaka Vinsenta van Hoha — Kuźmič sprabavaŭ u ramkach pierformansu raskapać mahiłu mastaka. Biełarusa zatrymali i adpravili ŭ SIZA.
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary