Na čaćviorty dzień Alimpijady zachoŭvajecca pieravaha niejeŭrapiejskich krain
Skončyŭsia čarhovy dzień Alimpijskich hulniaŭ u Paryžy, jaki paćvierdziŭ raniejšuju ahulnuju tendencyju: u cełym bolš miedaloŭ pakul biaruć spartsmieny nie ź jeŭrapiejskaha kantynienta. Lidary ŭ ahulnym zaliku ŭsio tyja ž.
Na pieršym miescy ŭ nieaficyjnym zaliku pa miedalach pa-raniejšamu zbornaja Japonii. Praŭda, za dzień jany dadali tolki adno zołata ŭ baraćbie dziudo i ciapier majuć 13 miedaloŭ, ź jakich 7 załatyja, 4 srebranyja i 2 bronzavyja.
Kitajcy taksama dadali ŭ svaju skarbonku tolki dva miedali, ale pakolki siarod ich byŭ załaty, to ciapier z 14 miedalami (6+6+2) jany zajmajuć druhoje miesca, apieradžajučy aŭstralijcaŭ z 11 miedalami (6+4+1) i francuzaŭ z 18 (5+9+14).
Na piatym miescy paŭdniovyja karejcy z 11 miedalami (5+3+3), a zamykajuć šaściorku pa-raniejšamu amierykancy: u ich znoŭ skryšalnaja pieravaha pa ahulnaj kolkaści miedaloŭ (26), ale pakul padvodzić ich jakaść: tolki 4 załatyja i pa 11 srebranych dy bronzavych.
Ź jeŭrapiejskich krain davoli niakiepska vystupajuć Vialikabrytanija z 12 miedalami (4+5+3) i Italija — 11-ciu (3+4+4).
Pakul što ŭsiaho tolki 2 miedali ŭ zbornaj Hiermanii, praŭda, abodva jany załatyja. I taksama 2 (sierabro i bronza) u maleńkaha Kosava.
Što tyčycca našych najbližejšych susiedziaŭ, to za dzień jašče adnu ŭznaharodu da ŭžo najaŭnaha srebra dadali ŭ svaju skarbonku palaki — bronzavy miedal zavajavała žanočaja kamanda pa fiechtavańni na špahach. Ukraincy pakul što zastajucca z adzinaj bronzaj, a krainy Bałtyi nivodnaha miedala nie majuć.
Što tyčycca postsavieckich krain, to tut pieršy pa-raniejšamu Kazachstan, niahledziačy što dzień dla jaho byŭ pusty: 3 miedali (1+0+2) i 12-je ahulnaje miesca. Pa adnamu zołatu majuć Azierbajdžan i Uźbiekistan, dźvie bronzy jość u Małdovy, a ŭ aŭtorak taksama sierabro i bronzu zdabyli Hruzija i Tadžykistan. Jak i raniej, hetym krainam miedali prynosić faktyčna tolki adzin vid sportu — baraćba dziudo.
Što tyčycca biełarusaŭ, jakija razam z rasijanami vystupajuć jak niejtralnyja spartsmieny, a značyć ich uznaharody ŭ ahulny zalik pa-lubomu nie iduć — to miedaloŭ u ich i tak pakul niama. Adnak ža dla akademičnych vieślaroŭ Jaŭhiena Załatoha i Taćciany Klimovič dzień byŭ paśpiachovy — jany vyjšli ŭ paŭfinał spabornictvaŭ, prytym Załaty — ź pieršaha miesca ŭ svaim zajeździe. Plus u hetaha spartsmiena akurat u hety dzień u Minsku naradziŭsia syn-pieršyniec.
Biełaruski viaślar u dzień vychadu ŭ alimpijski paŭfinał staŭ baćkam
«Nas było troje!» Jehipieckaja fiechtavalnica vystupiła na Alimpijadzie na siomym miesiacy ciažarnaści
Jaŭhien Załaty vyjhraŭ čverćfinał alimpijskaha turniru pa akademičnym viesłavańni
Paśla troch dzion spabornictvaŭ na Alimpijskich hulniach lidzirujuć japoncy
Alina Zmuška zaniała ŭ alimpijskim finale vośmaje miesca
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary