Kolišniaha prakurora Voranaŭskaha rajona sudziać za palityku. Jamu pahražaje da 12 hadoŭ
U čym vinavaciać Vitala Saŭko, niezrazumieła, ale abvinavačańni surjoznyja. Heta moža być jak sprava Čornaj knihi Biełarusi, rehistracyja ŭ płanie «Pieramoha» ci administravańnie telehram-kanała, hetak i niešta inšaje.
Imia Vitala Valerjeviča Saŭko źjaviłasia ŭ raskładach sudoŭ. Z dapamohaj prajekta DIT my znajšli troch biełarusaŭ z takimi imiem, imiem pa baćku i proźviščam. Ale padychodzić ź ich tolki adzin — kolišni prakuror Voranaŭskaha rajona.
Prakuroru Saŭko 33 hady. Rodam jon z horada Dziatłava Hrodzienskaj vobłaści. Paśla jon pajechaŭ vučycca ŭ Hrodna i pracavać u prakuraturu.
Jahony baćka-niabožčyk — Valeryj Saŭko, kolišni deputat Pałaty pradstaŭnikoŭ (2016—2019) ad Ščučynskaha rajona.
Uznačalvaŭ Hrodzienskuju abłasnuju arhanizacyju prafsajuza rabotnikaŭ dziaržaŭnych ustanovaŭ, paśpieŭ papracavać u administracyi Łukašenki.
Saŭko-starejšy byŭ pad sankcyjami Jeŭrasajuza za ŭdzieł u falsifikacyi vybaraŭ u 2010-m, kali ŭznačalvaŭ vybarčuju kamisiju Hrodzienskaj vobłaści. Jon pamior uvosień 2020 hoda.
I jahony syn Vital Saŭko dasłužyŭsia da vysokaj pasady — u 2022—2023 hadach vykonvaŭ abaviazki prakurora Voranaŭskaha rajona, paśla pracavaŭ staršym prakuroram u adnym z adździełaŭ prakuratury Hrodzienskaj vobłaści.
My nie znajšli śviedčańniaŭ taho, kab Saŭko-małodšy na svajoj pasadzie byŭ datyčny da represij.
Vital aktyŭna davaŭ intervju dziaržaŭnym miedyja. Apošniaje vyjšła ŭ lipieni 2023-ha, choć raniej jany publikavalisia rehularna, raz na adzin-dva miesiacy. Abo Saŭko zvolniŭsia, abo byŭ zatrymany. Sacsietki mužčyny vydalenyja.
Imia Vitala Valerjeviča Saŭko źjaviłasia ŭ raskładzie sudoŭ. Praces užo pačaŭsia ŭ Bresckim abłasnym sudzie. Jaho abvinavačvajuć pa treciaj častcy artykuła 130 KK — «raspalvańnie varožaści ci varažniečy».
Najbolšaja sa spravaŭ na hetym artykule — sprava Čornaj knihi Biełarusi. Taksama pa joj sudzili administrataraŭ telehram-kanałaŭ, žurnalistaŭ i pravaabaroncaŭ dy niekatorych byłych siłavikoŭ, jakija spačuvali pratestu i roznymi šlachami jamu dapamahali. Naprykład, pieradali źviestki «ekstremistam» pra roznyja rečy, datyčnyja słužby.
Vitala sudzić Dźmitryj Karasinski, kolišni sudździa Stolinskaha rajona. Jon asudziŭ ilustratarku Natallu Levuju na šeść hadoŭ kałonii, a taksama paśmiarotna sudziŭ Alaksandra Kuliniča, jaki pamior u kałonii.
Vitalu Saŭko pahražaje ad 5 da 12 hadoŭ źniavoleńnia.
«Naša Niva» — bastyjon biełaruščyny
PADTRYMAĆPa spravie ČKB zatrymali žychara Homiela. Voś jak jaho znajšli
Raspaviadajem, jakija danyja z ČKB mahli trapić da siłavikoŭ, što rabić, kali vy tudy pisali, i jak harantavać biaśpieku, kali pišacie ŭ boty
Supracoŭnica banka VTB z Žodzina atrymała vialiki termin pa palityčnaj spravie. Doma jaje čakaje niepaŭnaletni syn
Kamientary