U Biełarusi źmianili praviły abmienu valut. Try hałoŭnyja novaŭviadzieńni
Nacbank źmianiŭ instrukcyju ab praviadzieńni valutna-abmiennych apieracyj. Dakumient apublikavany na Nacyjanalnym pravavym partale.
U instrukcyi źjaviŭsia punkt, jaki dazvalaje kasiram u abmiennych punktach nie kuplać u fizičnych asob najaŭnuju zamiežnuju valutu, «popyt na jakuju źjaŭlajecca niaznačnym i aficyjny kurs biełaruskaha rubla ŭ adnosinach da jakoj vyznačajecca Nacyjanalnym bankam štomiesiac».
Śpis takich valut vyznačajecca asobnaj pastanovaj rehulatara. Naprykład, ciapier u im takija redkija valuty, jak indyjskaja rupija, manholski tuhryk, rumynski lej, ałžyrski dynar, vienhierski forynt i inš.
Taksama ŭdakładnili padychod da infarmacyi ab kursach u abmieńnikach. Dakumient dazvalaje ŭkazvać kurs na śpiecyjalnym elektronnym tabło, što mnohija banki ŭžo rabili i raniej.
Adnak u instrukcyi prapisana, što pradastaŭleńnie roznaj infarmacyi ab kursach na tabło i infarmacyjnych stendach u abmiennym punkcie nie dapuskajecca.
Akramia taho, u dakumiencie asobna raśpisali praviły abmienu valut z dapamohaj płaciežnych instrumientaŭ, u tym liku ŭ mabilnym dadatku banka. Pry hetym banki abaviazkova pavinny papiaredžvać, pa jakim kursie prapanujuć abmianiać valutu.
Ale kali ŭ vyniku zboju terminała abo inšaha instrumienta kurs nie pakazali, klijent maje prava patrabavać admieny takoj apieracyi abo vypłaty roźnicy pamiž śpisanaj i jakaja padlahaje śpisańniu sumy.
Udakładniajecca, što na sumu hrašovych srodkaŭ, jakaja padlahaje vypłacie, bank naličaje i vypłačvaje pracenty za karystańnie čužymi hrašyma za dni z momantu pastupleńnia patrabavańnia klijenta da taho momantu, pakul hrošy nie buduć zaličany na rachunak klijentu.
Dakumient ustupaje ŭ siłu praz try miesiacy paśla aficyjnaha apublikavańnia..
Ciapier čytajuć
Ryta Dakota ŭpieršyniu raspaviała, za što biełaruskija siłaviki schapili jaje maci ŭ 2022 hodzie5
Ryta Dakota ŭpieršyniu raspaviała, za što biełaruskija siłaviki schapili jaje maci ŭ 2022 hodzie
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?3434
Kamientary