U sieradu ŭ prezidenta ZŠA Džo Bajdena byŭ stanoŭčy vynik testu na Covid-19, što sarvała klučavoje mierapryjemstva pieradvybarnaj kampanii, zaklikanaje zaručycca padtrymkaj łacinaamierykanskich vybarščykaŭ u krytyčny momant vybaraŭ, piša CNN.
Sa słoŭ jahonaha doktara, u 81-hadovaha Bajdena byli lohkija simptomy, i jon atrymaŭ svaju pieršuju dozu supraćvirusnaha preparata paksłovid.
«Ja pačuvajusia dobra», — zajaviŭ Bajden žurnalistam u sieradu ŭ Łas-Viehasie, padniaŭšy vialiki palec pierad pasadkaj u samalot Air Force One, kab nakiravacca ŭ svaju rezidencyju ŭ Dełavery.
Prezident praviadzie tam samaizalacyju ŭ adpaviednaści z rekamiendacyjami Centra ZŠA pa kantroli i prafiłaktycy zachvorvańniaŭ.
Heta nie pieršy raz, kali ŭ Bajdena vyjaŭlajuć karanavirus. Upieršyniu zachvorvańnie ŭ jaho vyjavili ŭ lipieni 2022 hoda.
U pačatku lipienia hetaha hoda karanavirusam zaraziŭsia muž vice-prezidenta ZŠA Kamały Charys Dah Emchaf. Test Charys pakazaŭ admoŭny vynik. Za niekalki dzion da hetaha, 4 lipienia, muž i žonka prysutničali na śviatkavańni Dnia niezaležnaści ZŠA ŭ Biełym domie i stajali na bałkonie pobač z Bajdenam i jaho žonkaj Džył.
Bajden nazvaŭ adzinuju ŭmovu, pry jakoj admovicca ad prezidenctva
«Jon nie moža pieramahčy ŭ bitvie z časam». Viadomy akcior Džordž Kłuni zaklikaŭ Bajdena vyjści z prezidenckaj honki
Bajden nazvaŭ siabie najbolš kvalifikavanym supiernikam Trampa, jon nie źbirajecca pakidać honku
Bajden nazvaŭ vice-prezidenta Charys Trampam. Toj rezka adreahavaŭ
Bujnyja donary-demakraty źbirajucca zamarozić 90 miljonaŭ dalaraŭ unioskaŭ na kampaniju Bajdena
Ciapier čytajuć
Krutoha ajcišnika, jaki viarnuŭsia z Hruzii, asudzili pa čatyroch palityčnych artykułach5
Kamientary