Dzie znajści nacyjanalnyja biełaruskija ŭbory?
Umieć vyšyvać i tkać daŭniej musiła i kniahinia, i sialanka. Siońnia paśpiachovaja žančyna nie ličyć heta abaviazkovym. Čytać‑pisać navučylisia, kampjutar asvoili, karjeru spłanavali, a na zachavańnie daŭnich umielstvaŭ času nie staje.
Adnak vyšyvanki, ručnički i fartuški pa‑raniejšamu vabiać dziavočaje voka. Možna było b na Dzień śviatoha Valancina lubamu kašulu padaryć, ci ŭ hości sukienku vyšyvanuju adzieć, ci na ispyt pajaskom tkanym padpierazacca, jak abiareham.
Dzie ŭziać vyšyvanku? Pieršy varyjant— zrabić svaimi rukami. Znajści arnamient, jaki padabajecca, i vučycca vyšyvać. Staranna ŭkładać usie dobryja pačućci i enierhietyku ŭ tvor. Takuju vyšyvanku nie soramna budzie ni samoj apranuć, ni lubamu padaryć, bo jana ad dušy.
A kali niama času i mahčymaści? Ci tak zdaryłasia, što ruki i ihołka ź nitkaju sustrakalisia ŭ žyćci tak redka, što i paznajomicca nie paśpieli?
U Minsku vyšyvanku možna nabyć na pradpryjemstvie «Skarbnica» (vuł. Kisialova, 40). Akramia tradycyjnaha narodnaha ci sceničnaha kaściuma, tam možna sabie zamović sučasnuju vopratku z nacyjanalnym arnamientam ci tradycyjnuju vyšyvanku dla kachanaha. Za 100—120 tysiač vam zrobiać kaściumčyk vašaha pamieru ź nieskładanaj vyšyŭkaj. Adnak, čym składaniejšaja zamova, tym daražejšaje budzie adzieńnie. Supracoŭniki «Skarbnicy» jeździać u etnahrafičnyja ekśpiedycyi, pracujuć u biblijatekach i archivach. Jany zdolnyja stvaryć adzieńnie z charakternymi matyvami peŭnaj miascovaści. Naprykład, vašaj małoj radzimy.
Taksama nacyjanalnyja biełaruskija ŭbory možna znajści ŭ kramach «Kupalinka» (pr.Niezaležnaści, 19), u halerejach «Słavutyja majstry» (Kamunalnaja nabiarežnaja, 6B) i «Słavutaść» (vuł.Bahdanoviča, 21, 2‑i pavierch) ci ŭ Respublikanskim kulturna‑aśvietnickim centry (vuł.Kastryčnickaja, 5).
Pasprabujcie adnojčy padaryć siabram nie zvanočak pa fen‑šuju «mejd in čajna», a vyšyvanačku pa‑biełarusku. I chaj jana budzie na ščaście‑dolu.
Litoviec Vitalijus Mockus zaniaŭ pasadu Stryžaka ŭ «Bajsole». Chto heta taki?34
Kamientary