Pra śmierć padčas zamachu na Donalda Trampa adnaho čałavieka paviedamiŭ Majkł Valente, karespandent telekanała WTAE ź Pitsburha, sa spasyłkaj na akruhovaha prakurora akruhi Batler.
Detalaŭ adnosna zahinułaha padčas zamachu čałavieka pakul nie pryvodzicca. Jość viersija, što heta byŭ adzin z prychilnikaŭ Donalda Trampa, jaki padčas strełu znachodziŭsia zzadu jaho.
U toj ža čas prakuror akruhi Batler śćviardžaje, što zahinułych moža być i dvoje. Mahčyma, adzin ź ich — heta sam strałok, pra «niejtralizacyju» jakoha paviedamili amierykanskija ŚMI.
Jašče adzin čałaviek, mahčyma, atrymaŭ ciažkoje ranieńnie.
Stralanina padčas mitynhu Donalda Trampa adbyłasia ŭ horadzie Batler štata Piensilvanija. Były prezident ZŠA, jak vyhladaje, abyšoŭsia nie vielmi ciažkimi paškodžańniami.
Prezidenta ZŠA Džo Bajdena prainfarmavali pra toje, što zdaryłasia, paviedamiŭ Bieły dom. Bryfinh praviali kiraŭniki sakretnaj słužby i Ministerstva ŭnutranaj biaśpieki, a taksama daradca Bajdena pa pytańniach unutranaj biaśpieki. Aficyjnych zajaŭ z hetaj nahody prezident ZŠA pakul nie rabiŭ.
Lidar demakratyčnaj bolšaści ŭ Sienacie ZŠA Čarlz Šumier zajaviŭ, što ŭ žachu ad taho, što adbyłosia. Jon vykazaŭ radaść, što Tramp znachodzicca ŭ biaśpiecy i padkreśliŭ, što hvałtu — nie miesca ŭ palitycy ZŠA.
Respublikanski śpikier Pałaty pradstaŭnikoŭ Kanhresa ZŠA Majk Džonsan napisaŭ u sacsietcy X, što molicca za Trampa.
Padobnyja pa sensie zajavy apublikavali taksama lidar demakratyčnaj mienšaści ŭ Pałacie pradstaŭnikoŭ Chakim Džefrys i respublikanskaj mienšaści Sienata Mitč Makkoneł.
Taksama apieratyŭna adreahavaŭ na padzieju miljarder Iłan Mask:
«Ja całkam padtrymlivaju prezidenta Trampa i spadziajusia na jaho chutkaje adnaŭleńnie».
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam51
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4646
Kamientary