Z-za čerhaŭ na miažy aŭtobusy Varšava-Minsk mocna spaźniajucca z vyjezdam
U telehram-čatach, pryśviečanych pierasiačeńniu polska— biełaruskaj miažy, niekalki čałaviek raskazali pra mocnaje spaźnieńnie aŭtobusaŭ, jakija vykonvajuć rejsy pa maršrucie Varšava-Minsk, zaŭvažyła «Lusterka». Zatrymka vyjezdu z polskaj stalicy ŭ sieradu dasiahaje niekalkich hadzin, a pieravozčyki tłumačać takuju situacyju vialikimi čerhami na miažy.
Aŭtobus «Minsktransa» (aŭtapark № 5) 10 lipienia pavinien byŭ vyjechać z Varšavy ŭ Minsk u 12.00 pavodle miascovaha času, adnak i praz čatyry hadziny pasažyry ŭsio jašče čakali pasadki na aŭtavakzale «Varšava-Zachodnia».
«Siadzim na aŭtavakzale jašče, bo zatrymlivajucca na miažy siudy. Nichto navat paviedamleńnie nie dasłaŭ, što zatrymka, siadzim i čakajem. Apavieščanyja ŭžo pa fakcie i to paśla miljonaŭ zvankoŭ pieravozčyku», — napisała ŭ čacie adna biełaruska ŭ 15.28, heta značyć praz 3,3 hadziny paśla pryznačanaha času adpraŭleńnia.
Žančyna taksama raskazała, što
«ŭ 13.30 zabrali tych, u kaho kvitki byli na 07.00. Nas admovilisia brać, skazaŭšy, što naš aŭtobus budzie ŭ 16.30».
U padobnuju situacyju trapili i pasažyry aŭtobusa Intercars.
«Pavinny byli vyjechać [z Varšavy] u 08.45, pieranieśli spačatku na 13.00, za dziesiać chvilin da vyjezdu paviedamili ab pieranosie na 16.00», — napisała karystalnica, jakaja nabyła kvitok u hetaha pieravozčyka.
«Vizit-tur» siońnia dasłaŭ paviedamleńnie ab pieranosie rejsa prykładna na vosiem hadzin. Na spravie moža i paźniej adpravicca z Varšavy, tamu što hety rejs z Vrocłava idzie», — paviedamiŭ inšy biełarus.
U niekalkich kampanijach, kudy patelefanavała žurnalistka «Lusterka», dyśpietčary patłumačyli, što vyjezd aŭtobusaŭ z Varšavy ŭ Minsk zatrymlivajecca praź vialikija pamiežnyja čerhi na ŭjezd u Polšču, dzie jany pravodziać šmat času. Akramia taho, kiroŭcy abaviazanyja vykonvać nieabchodnuju normu adpačynku pierad tym, jak adpravicca ŭ zvarotny rejs.
Aŭtobusnyja čerhi stali jak na vyjezd ź Biełarusi, tak i na ŭjezd u krainu, raskazali ŭ Intercars.
«Pa časie stajać ad 15 hadzin», — adznačyła dyśpietčarka.
Na 20.00 10 lipienia ŭ čarzie na vyjezd u Polšču ŭ punkcie propusku «Brest» stajali 11 aŭtobusaŭ, śviedčać danyja manitorynhu Dziaržpahrankamiteta. Adnak a šostaj hadzinie ranicy ich było 41 — heta pikavaja kolkaść, jakaja z tych časoŭ pastupova źmienšyłasia. Čarhi ź lehkavikoŭ, miarkujučy z hetych ža źviestak, niama.
U toj ža čas, pavodle źviestak manitorynhu padatkovaj administracyi Polščy, aŭtobusy na polskim baku ŭ «Tarespali» praktyčna nie prastojvajuć, a siaredni čas pierasiačeńnia miažy dla lehkavikoŭ składaŭ siem hadzin.
Mytny kamitet paviedamiŭ pra adnaŭleńnie pryjomu palakami hruzaŭ na miažy ź Biełaruśsiu
Adnyja iduć u adpačynak, inšyja jeduć u Bałharyju. Što robiać pieravozčyki z-za ŭzmacnieńnia pravierak na miažy z Polščaj
Miaža dla hruzavikoŭ nie zakrytaja, a ruch zapavoliŭsia z-za pravierak pavodle novych sankcyj. Polski bok daŭ tłumačeńni
Polšča pierastała prapuskać hruzaviki ź Biełarusi
Noŭtbuk nie pryviazuć, a krasoŭki — kali łaska. Ci možna zamović tavary z Polščy paśla abmiežavańniaŭ na vyvaz?
Kamientary