Kolki biełaruskich spartoŭcaŭ na siońnia zajaŭlenyja na Alimpijadu? Vielmi mała
Mižnarodny alimpijski kamitet abviasciŭ, što zaprašenni na ŭdzieł u Alimpijskich hulniach-2024, što projduć z 26 lipienia pa 11 žniŭnia ŭ Paryžy, paćvierždanyja dla 13 biełaruskich spartoŭcaŭ, piša «Trybuna».
Viełasport, šašejnaja honka: Hanna Cierach.
Himnastyka, skački na batucie: Ivan Litvinovič, Vijaleta Bardziłoŭskaja.
Ciažkaja atletyka: Siuzana Vaładźko, Jaŭhien Cichancoŭ.
Baraćba: Abubakar Chasłachanaŭ.
Akademičnaje viesłavańnie: Jaŭhien Załaty, Taćciana Klimovič.
Stralba: Darja Čuprys, Alaksandra Piatrova.
Tenis: Viktoryja Azaranka.
Viesłavańnie na bajdarkach i kanoe: Uładzisłaŭ Kraviec, Julija Truškina.
MAK ličyć mahčymym udzieł u Hulniach spartoŭcaŭ ź Biełarusi i Rasii tolki ŭ statusie indyvidualnych niejtralnych atletaŭ (AIN) pry vykanańni šerahu patrabavańniaŭ, siarod jakich adsutnaść «aktyŭnaj padtrymki» vajny va Ukrainie, a taksama kantraktu z vajskovymi abo siłavymi viedamstvami Biełarusi abo Rasii. Mahčymaść dopusku AIN da Hulniaŭ vyznačaje śpiecyjalna stvoranaja MAK kamisija AINERP.
Pa stanie na 1 lipienia na Alimpijadu zaprošanyja 19 biełaruskich spartsmienaŭ. Adnak piać zaprašeńniaŭ dla barcoŭ adchilenyja biełaruskim bokam, a dapuščanaja tenicistka Aryna Sabalenka raniej zajaviła, što admovicca vystupać na Hulniach.
Taksama pa niekatorych vidach sportu MAK pakul nie daŭ nijakaj infarmacyi.
Ciapier čytajuć
Aryštavany dyrektar Pałaca Respubliki, adzin z arhanizataraŭ Marafona adzinstva10
Kamientary