U Pakistan pryjšła vialikaja śpioka: zabityja balnicy, sotni pamierłych
Tysiačy čałaviek trapili ŭ balnicy i niekalki sotniaŭ pamierli ŭ vyniku śpiakoty ŭ Pakistanie. Asabliva šmat paciarpiełych u Karačy, najbujniejšym horadzie krainy, piša Ruskaja słužba Bi-bi-si.
Tempieratura pavietra ŭ pakistanskim horadzie Karačy pieravysiła 40°C, ale z-za vysokaj vilhotnaści śpiakota adčuvałasia jak 49-50°C. Jak praviła, štodnia ŭ haradski morh Karačy pastupajuć ad 30 da 40 ciełaŭ, ale za apošnija šeść dzion ich kolkaść vyrasła da 568, ź ich 141 było sabrana tolki ŭ aŭtorak.
Fejsał Edchi, kiraŭnik Fondu Edchi, jaki kiruje najbujniejšaj u krainie słužbaj chutkaj dapamohi, zajaviŭ, što ŭ pačatku tydnia ichnija mašyny dastavili ŭ morhi dziasiatki ciełaŭ achviar ciepłavoha ŭdaru. Jon taksama adznačyŭ, što «bolšaść ź ich byli ź biednych rajonaŭ horada».
«My vymušanyja trymać pa try cieły na adnoj palicy. Nam taksama pryjšłosia terminova pachavać 22 niezapatrabavanyja cieły, pratrymaŭšy ich značna mienš, čym zvyčajna, kab vyzvalić miesca. I ź niedachopam miescaŭ sutykajucca ŭsie morhi horada, navat pry miačeciach i žałobnych załach», — raskazvaje Fejsach Echdzi.
Pakul jašče nielha z upeŭnienaściu skazać, što ludzi pamierli mienavita ad ciepłavoha ŭdaru, ale vysokija tempieratury, biezumoŭna, byli adnoj z pryčyn śmierciaŭ.
Kamientary