Ułady vystavili na aŭkcyjon ziamielny ŭčastak Babaryki na bierazie vadaschovišča Viača
Ziamielny ŭčastak z łaźniaj u vioscy Mačany, što naležyć naležyć Viktaru Babaryku, vystaŭleny na prodaž na sajcie elektronnych tarhoŭ «Bielurazabieśpiačeńnie». Na heta źviarnuła ŭvahu «Lusterka».
Ułady vystavili na aŭkcyjon čarhovuju majomaść udzielnika prezidenckich vybaraŭ 2020 hoda Viktara Babaryki — učastak płoščaj 0,75 ha ŭ vioscy Mačany Łahojskaha rajona. Ziamla znachodzicca ŭ vodaachoŭnaj zonie vadaschovišča Viača.
Pačatkovaja cana — 152 695 rubloŭ kapiejek. Pry najaŭnaści ŭdzielnikaŭ tarhoŭ, aŭkcyjon adbudziecca 31 lipienia.
Eks-kiraŭnik Biełhazprambanka, jaki zajaviŭ pra ŭdzieł u prezidenckich vybarach, Viktar Babaryka i jahony syn Eduard, jaki byŭ kiraŭnikom vybarčaha štaba, byli zatrymanyja 18 červienia 2020 hoda, kali vieźli ŭ CVK sabranyja podpisy (tady było ŭžo sabrana 368 tysiač podpisaŭ).
U vyniku CVK nie zarehistravaŭ Babaryku kandydatam u prezidenty, a praz hod, 6 lipienia 2021 hoda, jaho asudzili (sudździa Ihar Lubavicki) da 14 hadoŭ kałonii ŭzmocnienaha režymu nibyta za atrymańnie chabaru ŭ asabliva bujnym pamiery i lehalizacyju («admyvańnie») srodkaŭ, atrymanych złačynnym šlacham u asabliva bujnym pamiery.
Eduarda Babaryku 5 lipienia 2023 hoda asudzili (sudździa Uładzimir Areška) na 8 hadoŭ kałonii va ŭmovach uzmocnienaha režymu.
Pravaabaroncy pryznali ich palitviaźniami.
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?7
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary