Za danaty buduć sudzić adnaho z najlepšych trejłranieraŭ Biełarusi
Illi Humbaru pahražaje da vaśmi hadoŭ kałonii sa štrafam.
Illi Humbaru 35 hadoŭ. Jon skončyŭ Minski vyšejšy radyjotechničny kaledž u 2009-m (ciapier — Minski radyjotechničny kaledž), a paśla advučyŭsia ŭ Biełaruskim dziaržaŭnym univiersitecie infarmatyki i radyjoelektroniki na śpiecyjalnaści «Štučny intelekt». Vypuściŭsia ŭ 2014-m.
Bolš za dvanaccać hadoŭ Illa pracuje ŭ IT-kampanii iTechArt. Heta bujnaja kampanija, u jakoj pracujuć bolš za paŭtary tysiačy čałaviek. Illa — senior software engineer, hruba heta možna pierakłaści jak «viadučy inžynier pa raspracoŭcy prahramnaha zabieśpiačeńnia».
Humbar maje dva viadomyja zachapleńni — spartyŭny turyzm i trejłraninh. Trejłraninh — heta bieh na vialikija dystancyi pa pierasiečanaj miascovaści, časta heta nieprałaznyja lasy abo vysokija hory (u miežach trasy pierapady vyšyni mohuć siahać tysiač mietraŭ).
Illa zajmaje druhoje miesca ŭ Biełarusi siarod mužčyn pa hetaj dyscyplinie pa rejtynhu UTMB, choć i znachodzicca za kratami.
Dakładna nieviadoma, kali Humbara zatrymali, ale apošni raz jon byŭ anłajn u krasaviku 2024-ha. Jahony akaŭnt užo vydaliŭsia z telehrama.
Sud nad mužčynam pačniecca 1 lipienia. Jaho vinavaciać pa dvuch artykułach — «finansavańnie ekstremisckaha farmiravańnia» (art. 361-2 KK u redakcyi da 26.05.2021) i «finansavańnie ekstremisckaj dziejnaści» (č. 1 i č. 2 art. 361-2 u novaj redakcyi KK).
Jamu pahražaje ad piaci da vaśmi hadoŭ kałonii sa štrafam.
«Naša Niva» — bastyjon biełaruščyny
PADTRYMAĆ
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary