Rasijskaja tenisistka ŭsiaho za paŭdnia spraviłasia vybić z turnira ŭ Bierlinie dźviuch viadomych biełarusak
Z-za šmatlikich traŭmaŭ hulcoŭ i daždžoŭ na žanočym tenisnym turniry ŭ Bierlinie daviałosia nie raz karektavać raskład, tamu rasijanka Hanna Kalinskaja vyjšła na kort u adzin dzień dvojčy. I ŭ vyniku vybiła z turnira za adzin dzień spačatku Arynu Sabalenku, a paśla i Viktoryju Azaranku.
Praŭda, pieramoha ŭ matčy z Sabalenkaj nie była paŭnavartasnaj, bo biełaruskaja tenisistka sama admoviłasia ad baraćby, spasłaŭšysia na stan zdaroŭja, kali prajhravała ŭ pieršym secie 1:5.
Z Azarankaj ža Hanna Kalinskaja praviała poŭny matč i pierajhrała jaje ŭ troch setach: 1:6, 7:6 (7:3), 1:6. Matč praciahvaŭsia 2 hadziny 10 chvilin.
Pakolki heta byŭ užo paŭfinał, to rasijanka vyjšła ŭ finał, dzie sustreniecca ź pieramožcaj druhoha paŭfinała, jaki zhulajuć pamiž saboj amierykanki Kory Haŭf i Džesika Piehuła.
Ciapier čytajuć
Maładuju kaspłejščycu kinuli ŭ kałoniju za «zakliki da pryčynieńnia škody Biełarusi»1
Maładuju kaspłejščycu kinuli ŭ kałoniju za «zakliki da pryčynieńnia škody Biełarusi»
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič77
Kamientary