Žychary paprasili pierajmienavać vulicu Kalinina ŭ Homieli i vulicu Lenina ŭ Viciebsku
Voś što adkazali ŭłady.
Biełarusy stvaryli pietycyi z prośbaj pierajmienavać vulicu Kalinina ŭ Homieli i vulicu Lenina ŭ Viciebsku. Zvaroty raźmiaścili na sajcie «Zručny horad» i adpravili miascovym čynoŭnikam.
Prośbu pierajmienavać vulicu Kalinina ŭ Homieli aŭtary zvarotu matyvavali ŭ tym liku tym, što Michaił Kalinin nie tolki padpisvaŭ rasstrelnyja śpisy, ale i dadavaŭ tudy novyja proźviščy.
«Sumna ŭśviedamlać, što jaho imia ŭviekaviečana na karcie Homiela, a takich viadomych biełarusaŭ jak Stanisłaŭ Šuškievič, Vacłaŭ Łastoŭski abo Tadevuš Kaściuška — nie», — havorycca ŭ pietycyi.
Aŭtary viciebskaha zvarotu ličać, što «imia rasijskaha revalucyjaniera Lenina nie pavinna zajmać miesca pobač ź imionami takich viadomych biełarusaŭ, jak Kalinoŭski, Bahdanovič i Kołas».
Čynoŭniki dasłali aficyjnyja adkazy na pietycyi, piša Blizko.by. namieśnik staršyni Homielskaha harvykankama Alaksandr Hiermanaŭ niežadańnie pierajmienoŭvać vulicy ekanamičnymi mierkavańniami:
«U suviazi z tym, što na terytoryi vuł.Kalinina raźmieščanaja šyrokaja zabudova i pryniaćcie rašeńnia ab jaje pierajmienavańni zapatrabuje ŭniasieńnia źmianieńniaŭ u dakumienty hramadzian, paciahnie za saboj značnyja finansavyja vydatki z boku žycharoŭ vuł. Kalinina, a taksama raschodavańnie biudžetnaha finansavańnia, pytańnie ab pierajmienavańni nazvanaj vulicy na siońniašni dzień nie razhladajecca».
Namieśnik načalnika adździeła architektury i horadabudaŭnictva Viciebskaha harvykankama Dzianis Kraŭcoŭ raspavioŭ pra składanaści z zamienaj pakazalnikaŭ:
«Zamiena anšłahaŭ na indyvidualnych žyłych damach ažyćciaŭlajecca hramadzianami za košt ułasnych srodkaŭ, na damach, jakija stajać na absłuhoŭvańni HP «ŽRET h. Viciebska» za košt srodkaŭ haradskoha biudžetu, a na inšych budynkach i zbudavańniach — za košt bałansatrymalnika.
Zaraz na vulicy Lenina raźmiaščajecca kala 76 budynkaŭ, 24 ź jakich uklučany ŭ Dziaržaŭny śpis historyka-kulturnych kaštoŭnaściaŭ Respubliki Biełaruś.
Na padstavie vykładzienaha praviadzieńnie pracedury pa pierajmienavańni vulicy Lenina źjaŭlajecca niemetazhodnym».
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ9
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1111
Kamientary