Hramadstva2020

Vajskoŭcy: Supraćpiachotnyja miny «Lepiestok» niemahčyma raskidvać uručnuju

Arhanizacyja byłych siłavikoŭ Bajpoł, jakuju ŭznačalvaje Alaksandr Azaraŭ, vystupiła ź insajdzierskaj zajavaj pra toje, što misijaj zabojcy polskaha pahraničnika było raskidvańnie supraćpiachotnych min «Lepiestok». Ale apytanyja «Našaj Nivaj» vajskoŭcy nazyvajuć hetu zadaču niemahčymaj. I voś čamu. 

«Miny «Pialostak» («Lepiestok», PFM-1) u kolkaści kala 30 štuk mihranty pavinny byli raskidać na polskaj terytoryi dla taho, kab spravakavać padryŭ kaho-niebudź, kab abvinavacić Polšču ŭ vykarystańni min suprać mihrantaŭ. U biełaruskim hramadstvie zahadzia zapuščany słych, što palaki zaminiravali miažu. Adnak padčas sproby praryvu miažy miny nie ŭdałosia pierapravić na polski bok, adzin ź mihrantaŭ udaryŭ polskaha sałdata 1-j braniatankavaj bryhady Matevuša Sitaka nažom, ad čaho toj paźniej pamior u špitali», — śćviardžaŭ Bajpoł.

Mina «PFM-1», fota: kanaldim.tv

Ale adrazu niekalki byłych i dziejnych vajennych, u tym liku vykładčykaŭ profilnych ustanoŭ, napisali ŭ «Našu Nivu», što takaja viersija nie moža być praŭdaj ź fizičnych pryčyn. 

«Miniravańnie PFM-1 adbyvajecca tak — hetyja miny zahružajuć u kantejniery, a paśla adstrelvajuć z reaktyŭnaj sistemy abo z avijacyjnaha nośbita. Heta nazyvajecca «dystancyjnym minavańniem». Kryły-pialostki miny sprajektavany dla taho, kab jana ŭ pavietry prymała takoje stanovišča, jakoje dazvolić joj pravilna ŭpaści i ŭźvieścisia (aktyvavacca) pry ŭdary ab ziamlu.

Čałaviečaj siły nie chopić dla taho, kab uźvieści minu. A kali raskryć jaje samatužna i kinuć, to jana ŭzarviecca adrazu ž. Viersija ab «Pialostkach» dla mianie — tryźnieńnie», — raskazvaje čałaviek, jaki mieŭ spravu z hetaj vybuchovaj pryładaj. 

«Kali padyści da samoj łohiki — što adny mihranty kinuć 30 samatužnych min, a inšyja mihranty pavinny na ich padarvacca, kab potym Minsk abvinavaciŭ Polšču va ŭźviadzieńni minnych paloŭ, — to ničoha niajasna. Dzie harantyja, što na ich padarvucca mienavita mihranty? Miny nie vybirajuć, kaho padarvać, a palaki sa svajho boku miažy chodziać čaściej. Nie kažučy pra toje, što pry razryvie možna dakładna identyfikavać, što za bajavy srodak zdetanavaŭ, tamu kancy ŭ vadu nie schavaješ. I nie kažučy pra toje, što samu minu lohka zaŭvažyć, tamu polski pamiežnik lohka jaje identyfikuje na ziamli», — dadaŭ inšy naš surazmoŭca. 

Jany sychodziacca ŭ mierkavańni, što biełaruskamu hramadstvu retranślavali čarhovuju kanśpirałahičnuju vydumku.

Kamientary20

  • 321
    13.06.2024
    Znoŭ niejkaja tannaja kanśpirałohija ad Azarava. Nu nie maješ što skazać pa temie - siadzi maŭčy, budzieš choć vyhladać na razumnaha. Dyk nie...
  • Spraviadlivy
    13.06.2024
    [Red. vydalena]
  • Hańba
    13.06.2024
    I takoje tryźnieńnie va ŭsim ad ludziej, što atačajuć Cichanoŭskuju! Azaraŭ byŭ joj pryznačany Ministram z dostupam da 200,000 čyłaviek u Płanie Pieramohu, ujavić tolki!!!

Ciapier čytajuć

Tehieran haryć. Izrailskija źniščalniki praciahvajuć udary, pakul SPA Irana biaśsilnaja16

Tehieran haryć. Izrailskija źniščalniki praciahvajuć udary, pakul SPA Irana biaśsilnaja

Usie naviny →
Usie naviny

Tramp vymušana spyniaje rejdy suprać imihrantaŭ u sielskaj haspadarcy i hatelnym biznesie3

Navukoŭcy znajšli prosty sposab paspryjać rostu raślin — muzyka, ale nie kožnaja20

Ryanair budzie štrafavać pasažyraŭ, jakija parušajuć paradak1

U Homieli 7 hadoŭ tamu pabudavali prybiralniu ledź nie za miljon dalaraŭ. Jak u joj ciapier?4

U Dubai zahareŭsia 67-paviarchovy chmaračos3

Što moža čakać tych, kaho buduć sudzić pa spravie «Biełaruskaha Hajuna»?

Łukašenka parekamiendavaŭ biełarusam nie nalahać na bulbu13

Izrailcianam prychodziać špijonskija paviedamleńni ad karespandentki ANT10

Usploski zakazaŭ picy kala Pientahona mahli śviedčyć pra budučuju ataku na Iran9

bolš čytanych navin
bolš łajkanych navin

Tehieran haryć. Izrailskija źniščalniki praciahvajuć udary, pakul SPA Irana biaśsilnaja16

Tehieran haryć. Izrailskija źniščalniki praciahvajuć udary, pakul SPA Irana biaśsilnaja

Hałoŭnaje
Usie naviny →

Zaŭvaha:

 

 

 

 

Zakryć Paviedamić