Mytnia Niderłandaŭ praviaraje kampanii nakont uvozu biełaruskaj sankcyjnaj draŭniny
Mytnia Niderłandaŭ zrabiła pravierku ŭ dačynieńni troch kampanij, jakija pracujuć u śfiery lesanarychtoŭčaj pramysłovaści. Jak miarkujecca, jany impartavali lesamateryjały z Rasii i Biełarusi praz Kitaj i Kyrhyzstan, piša «Biełsat».
Impart draŭniny i vyrabaŭ ź jaje ź Biełarusi i Rasii zabaronieny z 2 sakavika 2022 hoda (vyklučeńnie — pastaŭki pavodle kantraktaŭ, jakija byli zaklučanyja da nazvanaj daty). Hetyja sankcyi byli ŭviedzienyja za ahresiju suprać Ukrainy.
«Lesahandlary z hetych krain sprabujuć abyści praviły, pastaŭlajučy svaju pradukcyju na jeŭrapiejski rynak praź inšyja dziaržavy. Kamanda POSS (Precursors, Origin, Strategic Goods and Sanctions Legislation) adkazvaje ŭ mytnaj słužbie za manitorynh sankcyjnych zachadaŭ», — paviedamlaje mytnia Niderłandaŭ.
Adznačajecca, što kampanii, jakija pravieryła mytnia, całkam supracoŭničali ź joj padčas pravierki.
«Vykarystoŭvajučy hetyja źviestki, mytnaja słužba praviadzie rasśledavańnie pachodžańnia impartavanaj draŭniny. Kali vyjavicca, što draŭnina pastupaje z sankcyjnych krain, budzie vyznačacca, ci viedali pra heta kampanii. Mytnia pieradaje vyniki rasśledavańnia prakuroru. Apošni ŭ vyniku vyrašaje, ci budzie raspačataja kryminalnaja sprava», — padsumoŭvaje mytnia Niderłandaŭ.
Apošnija dastupnyja handlovyja źviestki na Biełstacie — za 2021 hod. Tady asnoŭnymi pakupnikami biełaruskaj draŭniny i vyrabaŭ ź jaje byli Polšča, Litva, Rasija, Łatvija, Niamieččyna, Ukraina i Niderłandy.
«Prymusovaja praca nie źjaŭlajecca ŭłaścivaj usim kałonijam prablemaj». Jak zachodni znak jakaści traplaŭ na tavary, vyrablenyja biełaruskimi viaźniami
Čamu sankcyi nie ŭpłyvajuć na pavodziny Łukašenki i nakolki jany naohuł efiektyŭnyja? Mierkavańni ekanamistaŭ
Padsankcyjnuju draŭninu ź Biełarusi viazuć u Jeŭrasajuz nibyta jak kazachstanskuju — rasśledavańnie
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty38
Kamientary