«Try litry lisičak za paru hadzin». U Biełarusi pajšli hryby
Nievierahodna, ale fakt: u Biełarusi pajšli hryby. Prytym nie prosta pajšli, a litaralna paciakli rakoj — z pačatku červienia sacyjalnyja sietki zavalenyja fatahrafijami čyrvonahałovikaŭ, lisičak, apieniek, huby i paddubovikaŭ. Hrybniki dzielacca svaim uradžajem, jaki zdoleli zdabyć u Minskaj, Viciebskaj i Bresckaj abłaściach, zaŭvažyŭ Telegraf.news.
Śpiecyjalisty śćviardžajuć, što takija rannija znachodki abumoŭlenyja sioletnimi tempieraturnymi rekordami. Jak by ni było, ale pieršyja trafiei biełarusaŭ, fota jakich publikujucca ŭ sacyjalnych sietkach, uražvajuć.
«Čyrvonahałoviki i inšyja hryby źjavilisia ŭ lasach pad Minskam. Huba sierna-žoŭtaja zaŭvažanaja na starych dubach abo na ich pavalenych reštkach. Źjavilisia maleńkija lisički, muchamory toŭstyja, padduboviki aliŭkava-buryja i inšyja nieviadomyja mnie hryby. Čakajem pieršych sietčatych biełych hryboŭ, heta značyć bieły hryb dubovy», — napisaŭ u tematyčnaj supołcy adzin z amataraŭ źbirańnia hryboŭ.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB12
Kamientary