Maryna Vasileŭskaja: Z kosmasu bačyła Biełaviežskuju pušču i Paleśsie
Kasmanaŭtka Maryna Vasileŭskaja praciahvaje jeździć pa roznych dziaržaŭnych ustanovach, raskazvajučy pra svoj niadaŭni palot. Hetym razam jana sustrełasia z vučniami škoł minskaha Savieckaha rajona. Dla hetaha ŭ staličnaj himnazii № 6 zładzili «dyjałohavuju placoŭku» pad nazvaj «Kosmas naš!», paviedamlaje BiełTA.
Jak skazała kasmanaŭtka, «siońnia ja tut dla taho, kab raskazać pra Suśviet, pra našu pryhožuju płanietu». Na hetaj płaniecie, kali nadvorje spryjaje, z vyšyni možna razhledzieć i rodnyja miaściny, choć asabliva rassłablacca pry hetym nie davodzicca:
«Našu Biełaruś vidać z kosmasu. Jana vydatnaja, zialonaja — bačyła Biełaviežskuju pušču, Paleśsie, choć zaminała vobłačnaść i čas, kali my pralatali nad Biełaruśsiu, byŭ vielmi abmiežavany. Atrymać asałodu nie paśpiavała, ale paśpiavała zrabić kadry», — adznačyła kasmanaŭtka.
Dla taho ž, kab raskazać pra praktyčnuju karyść hetaha palotu, na sustrečy prysutničaŭ namieśnik načalnika ŭpraŭleńnia aerakaśmičnaj dziejnaści Nacyjanalnaj akademii navuk Biełarusi Ivan Buča.
Ad jaho dzieci mahli daviedacca, što «ŭ nas jość dystancyjnaje zandavańnie Ziamli, kaśmičnaja elektronika, novyja materyjały kaśmičnaha prymianieńnia», a voś piłatavanaj kasmanaŭtyki da hetaha hoda nie było.
I voś ciapier, maŭlaŭ, Vasileŭskaja nie prosta źlotała ŭ kosmas, a «ździejśniła palot z vykanańniem navukovaj prahramy. Jana była dosyć šyrokaj — piać navukova-daśledčych ekśpierymientaŭ i dva ahulnaadukacyjnyja».
Maryna Vasileŭskaja ŭsio jašče nie adnaviłasia paśla palotu. Zdahadajciesia, chto joj dapamahaje
Kasmanaŭtka Maryna Vasileŭskaja pieradała Łukašenku ściah, jaki pabyvaŭ u kosmasie
Kačanava sustrełasia z Marynaj Vasileŭskaj i nie ŭpuściła mahčymaści lišni raz pracytavać Łukašenku
Maryna Vasileŭskaja raskazała, pra što ŭ jaje najčaściej pytajecca pracoŭny lud. Pytańnie vas šakuje
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?61
Kamientary