Znoŭ cełuju hrupu ludziej u Breście asudzili za ŭdzieł u pratestach 2020 hoda
Maskoŭski sud Bresta razhladaŭ kryminalnuju spravu suprać 5 čałaviek: Marharyty Atemasavaj, Hanny Vasiljevaj, Arcioma Botava, Andreja Sałapury i Alaksandra Jakubuka. Usich ich abvinavačvali pavodle č. 1 art. 342 KK (hrupavoje parušeńnie hramadskaha paradku), paviedamlaje «Bieraściejskaja viasna».
Usim 5 ludziam stavili ŭ vinu ŭdzieł u pratestach 10 žniŭnia 2020 hoda ŭ Breście. U vyniku Botavu, Sałapuru i Jakubuku prysudzili kožnamu pa paŭtara hoda kałonii, Atemasavaj — 2 hady pazbaŭleńnia voli ŭmoŭna, pakolki žančyna maje vielmi maleńkaje dzicia (jakomu mienš za hod), Vasiljevaj -2 hady 6 miesiacaŭ «chatniaj chimii», bo ŭ žančyny dvoje niepaŭnaletnich dziaciej.
Rolu sudździ vykonvała Maryna Skałkovič.
Takim čynam, užo viadoma pra 25 asudžanych pavodle art. 342 KK za pratesty ŭ Breście, jakija prachodzili 10 žniŭnia 2020 hoda. Za hetuju akcyju pratestu aktyŭna sudzili ŭ 2021 hodzie, tady ŭsim prysudžali kałoniju pavodle artykuła 293 KK, i pravaabaroncy pryznali absalutna ŭsich asudžanych palitviaźniami.
Paśla niekatoraha zacišša ŭ kancy 2023 hoda źjavilisia novyja zatrymańni za tyja pratesty — ułady pačali pradjaŭlać užo artykuł 342 KK — za toje, što 10 žniŭnia 2020 hoda ludzi ŭ Breście «vykrykvali łozunhi, vychodzili na prajeznuju častku».
Palitviaźnia ź Lidy asudzili za «abrazy» čynoŭnikaŭ i «ŭdzieł u ekstremisckim farmavańni» i dali hihancki štraf
Pradprymalnika, jakoha zatrymali pa viartańni z-za miažy, asudzili da dzieviaci hadoŭ kałonii za danaty
U Mahilovie buduć sudzić mastačku, jakaja źniała videa na vybarčym učastku
Znoŭ sudziać palitviaźnia, asudžanaha na 6 hadoŭ. A milicyjant, praź jakoha pasadzili Cichanoŭskaha, choča spahnać ź jaho «maralnuju škodu»
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny41
Kamientary