Katalickaha śviatara z Šumilina nie vypuścili paśla 10 sutak, sudzili paŭtorna
Ajciec Pavieł Lemiech, jaki słužyć u katalickim sanktuaryi ŭ Šumilinie i byŭ asudžany na 10 sutak aryštu, nie vyjšaŭ na volu pa zakančeńni hetaha terminu, a 21 traŭnia jaho sudzili paŭtorna pa novym abvinavačvańni. Sutnaść abvinavačvańniaŭ pa-raniejšamu nieviadomaja — ni viernikam, ni duchavienstvu ničoha nie kažuć pra aryštavanych śviataroŭ, piša Katolik.life.
Kali śviatara nie vyzvalili ŭ subotu, vierniki zrazumieli, što jaho pierazatrymali pavodle novaha abvinavačvańnia i čakali suda ŭ paniadziełak. Adnak, miarkujučy pa ŭsim, praces adbyŭsia ŭ aŭtorak.
U izalatary časovaha ŭtrymańnia ŭ Viciebsku, dzie z 8 traŭnia znachodzicca śviatar, udzień 21 traŭnia adkazvali, što «na hety momant jon adsutničaje», admoviŭšysia rastłumačyć, ź jakoj pryčyny. Vidavočna, u toj čas nad im išoŭ novy sud. Uviečary ŭ izalatary taksama admovilisia paviedamić, ci znachodzicca tut ajciec Pavieł.
Rašeńnie druhoha suda, jak i sutnaść abvinavačvańniaŭ, pakul nieviadomyja. U elektronnym raskładzie sudoŭ praces nie byŭ paznačany.
Ajca Paŭła Lemiecha zatrymali razam ź inšym śviatarom — ajcom Andžejem Juchnievičam, jaki taksama słužyć u Šumilinie. Ajcu Andžeju prysudzili 15 sutak aryštu — hety termin zakančvajecca 23 traŭnia. Akramia taho, sudzili adnu z parafijanak — za padpisku ŭ sacsietcy na staronku, abvieščanaj «ekstremisckaj», jaje pakarali štrafam.
Ciapier čytajuć
Hetaja biełaruskaja instazorka dajšła da Playboy — ale, u adroźnieńnie ad mnohich, nie spyniłasia5
Kamientary