U papularnym amierykanskim sieryjale pakazali zbornuju Biełarusi pa futbole — jaje matč hladzieŭ adzin z hałoŭnych hierojaŭ
Praŭda, z časam aŭtary nabłytali.
U skarboncy zhadak Biełarusi ŭ papularnych amierykanskich filmach i sieryjałach papaŭnieńnie. Hetym razam kinaroby pakazali matč zbornaj Biełarusi pa futbole. Praŭda, zusim epizadyčna.
Biełaruskija futbalisty źjavilisia ŭ kadry ŭ sieryjale «Lepš telefanujcie Sołu» — heta prykvieł zvyšpapularnaha ŭ svoj čas šou «Va ŭsie ciažkija». U 3-j sieryi 5-ha siezona adzin z hierojaŭ sieryjała Nača Varha hladzić futboł — heta zrazumieła pa vokličy «Hoł!», zaŭvažyŭ kanał «Ṕjanyje podkasty».
Adna sa spadarožnic Nača ŭ hety čas pravodzić manipulacyi z pultam i vypadkova pieraklučaje kanał. Mienavita ŭ hety momant na paru siekundaŭ u kadry źjaŭlajecca matč, jaki hladzieli hieroi sieryjała. Heta tavaryskaja hulnia pamiž zbornymi Biełarusi i Mieksiki.
Aŭtary sieryjała vybrali zapis realnaha matču — adzinaha pamiž hetymi dźviuma kamandami. Jon adbyŭsia na «Barysaŭ-Arenie» 18 listapada 2014 hoda. Tady pastajannyja ŭdzielniki čempijanataŭ śvietu pryvieźli ŭ Biełaruś mocny skład, ale haspadary pieramahli ź likam 3:2.
Čamu ŭ sieryjał trapiła mienavita hetaja hulnia? Vierahodna, tamu što Nača pa siužecie pracuje na mieksikanski narkakartel. Ale z časam kinaroby trochi nabłytali — dziejańni sieryjała razhortvajucca ŭ pačatku 2000-ch, a nie ŭ 2014-m.
Akramia taho, u kadry možna zaŭvažyć kinalap: da taho, jak pakazali televizar, kamientatar prakryčaŭ «Hoł!», ale ŭ kadry z matčam vidać, što lik u hulni da 18-j chviliny nie adkryty. Darečy, pieršy hoł hledačy ŭbačyli tolki paśla pierapynku.
U samim sieryjale «Va ŭsie ciažkija» taksama nie abyšłosia biez zhadki Biełarusi: hieroj Soł Hudman u adnoj ź sieryj raskazvaje, što ŭ jaho jość chakier, jaki žyvie ŭ Minsku ŭ padvale.
Huam, Butan, Makaa… Vyśvietliłasia, z kim viała pieramovy Biełaruskaja fiederacyja futboła ab praviadzieńni sparynhu
Pratasievič i Miejreliš źniali kłasny, ale niestandartny sieryjał pra tajamničaje źniknieńnie ŭ Halivudzie
«Rypli»: tonki i hustoŭny detektyŭ u styli nuar, ale nie dla ŭsich
10 novych sieryjałaŭ, jakija vyjduć viasnoj
Ciapier čytajuć
Łukašenka patłumačyŭ, čamu jaho nie vidać pa sieradach i subotach20
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary