Iranski pasoł nazvaŭ imaviernuju pryčynu krušeńnia viertalota prezidenta Raisi
Pryčynaj krušeńnia viertalota Raisi stała drennaje nadvorje, heta pakul asnoŭnaja viersija, skazaŭ pasoł Irana ŭ Biełarusi. Rasśledavańnie praciahvajecca. Viertalot raźbiŭsia ŭ harach pry mocnym tumanie.
Pryčynaj krušeńnia viertalota prezidenta Irana Ibrachima Raisi mahli być drennyja ŭmovy nadvorja, zajaviŭ iranski pasoł u Biełarusi Alireza Samiei, paviedamlaje «RIA Naviny».
«Na žal, viertalot našaha prezidenta ździejśniŭ žorstkuju pasadku z-za drennych klimatyčnych umoŭ. Byŭ vielmi husty tuman, navat śnieh, bačnaść była samaja minimalnaja, hornaja, ciažkadastupnaja miascovaść», — skazaŭ dypłamat.
Jon dadaŭ: «Toje, što nam viadoma, — heta drennyja ŭmovy nadvorja, husty tuman razam z apadkami, śnieh, hornaja miascovaść, lasy», — udakładniŭšy, što heta, chutčej za ŭsio, «pieršaja viersija taho, što zdaryłasia». Pasoł adznačyŭ, što śpieckamisija vyśvietlić dakładnyja pryčyny katastrofy, vyvučyć umovy nadvorja i techničnyja ŭmovy palotu, rasśledavańnie ŭžo viadziecca.
Ambasadar Irana ŭ Rasii Kaziem Džałali zajaviŭ, što nie ŭ kursie viersii ab terakcie, jakaja abmiarkoŭvałasia ŭ sacsietkach, pakolki byŭ zaniaty abmierkavańniem z rasijskimi kalehami sposabaŭ dapamohi ŭ pošukavaj apieracyi. Jon padkreśliŭ, što raźbiralnictva ŭ suviazi z trahiedyjaj jašče idzie, adzinaj viersii pakul niama.
Viertalot z Raisi i inšymi členami iranskaj delehacyi na borcie paciarpieŭ krušeńnie na paŭnočnym zachadzie Irana paśla vizitu ŭ Azierbajdžan 19 maja. Palot ździajśniaŭsia na amierykanskim viertalocie Bell 212. Jon byŭ raspracavany kala 50 hadoŭ tamu dla Uzbrojenych sił, u Iranie jaho madernizavali: pavialičyłasia hruzapadymalnaść dla pieravozki da 15 čałaviek, uklučajučy piłota.
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary