Znojdzieny viertalot z prezidentam Irana na borcie. Na miescy katastrofy žyvych niama
Viertalot urezaŭsia ŭ kruty schił i razburyŭsia na asobnyja frahmienty.
Na miescy krušeńnia viertalota prezidenta Irana Ibrachima Raisi vyžyŭšych nie znojdziena, paviedamlaje Čyrvony Paŭmiesiac. Miarkujučy pa fatahrafijach, jakija publikuje iranski telekanał Press TV, viertalot urezaŭsia ŭ kruty schił i razburyŭsia na asobnyja frahmienty.
Pasažyrami viertalota byli: prezident Irana Ibrachim Raisi, ministr zamiežnych spraŭ Chasiejn Amir Abdałachijan, hubiernatar iranskaj pravincyi Uschodni Azierbajdžan Malik Rachmieci i ajatała pravincyi Tebryz Ali Chašym.
Viertalot viartaŭsia ŭčora ź iranskaj pravincyi Uschodni Azierbajdžan z adkryćcia elektrastancyi.
Kiraŭnik Čyrvonaha Paŭmiesiaca Pirchasiejn Kalivand skazaŭ u efiry dziaržaŭnaha telebačańnia, što ratavalniki nie vyjavili prykmiet žyćcia na miescy krušeńnia.
***
U adpaviednaści z art. 131 iranskaj Kanstytucyi, u vypadku śmierci prezidenta jaho paŭnamoctvy pierachodziać da pieršaha namieśnika. Z 2021 hoda hetuju pasadu zajmaje Machamad Machbier.
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie4
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5252
Kamientary