Pamiatajecie dziaŭčynku, jakaja pamierła ŭ radzilni praz toje, što maci nie zrabili kiesaravaha? Stała viadoma, čym skončyłasia pravierka
U lutym sacsietki ablacieła žachlivaje videa. Maładaja žančyna raspaviadała, što ŭ radzilnym domie 5-j balnicy Minska ŭračy nie zrabili svoječasova joj kiesarava — praz heta niemaŭla pamierła praź niekalki hadzin. Zabitaja horam maci prasiła Łukašenku pakarać vinavatych. Narešcie stała viadoma, čym usio skončyłasia.
Paśla taho, jak vielmi emacyjnaje videa zavirusiłasia, na situacyju źviarnuli ŭvahu čynoŭniki. Sustrecca ź siamjoj Sucharukavych paśpiašaŭsia asabista ministr achovy zdaroŭja Alaksandr Chadžajeŭ. Pres-słužba vypuściła zajavu pra toje, što ministr prynios spačuvańni pary i paabiacaŭ, što «jakaść akazańnia miedycynskaj dapamohi supracoŭnikaŭ radzilnaha doma, a taksama pracu Kamiteta pa achovie zdaroŭja Minharvykankama acenić lačebna-kantrolny saviet pry Ministerstvie achovy zdaroŭja».
Čynoŭniki nie stali paviedamlać, čym skončyłasia pravierka. Kaciaryna Sucharukava taksama bolš nie raspaviadała ničoha ŭ svaich sacsietkach. Ale niadaŭna ŭ kamientarach niechta spytaŭsia, ci pakarali vinavatych u śmierci niemaŭlaci.
Žančyna adkazała: «Tak. Jany atrymali vymovu». Jana ŭdakładniła, što dla supracoŭnikaŭ radzilni ŭsio i skončyłasia zvyčajnaj vymovaj.
Nahadajem niekatoryja padrabiaznaści toj žachlivaj historyi. Dla 31-hadovaj Kaciaryny Sucharukavaj heta była pieršaja ciažarnaść, jana praciakała biez uskładnieńniaŭ. Rody nie pačalisia sami, tamu žančyna pryjechała ŭ radzilniu ŭ dzień, jaki byŭ pryznačany joj dla płanavaj špitalizacyi — 15 studzienia. Termin ciažarnaści składaŭ 41 tydzień i 1 dzień, płod byŭ davoli vialikim — bolš za 4 kiłahramy. Adnak paradzisie skazali, što pakazańniaŭ dla kiesaravaha siačeńnia niama.
U apieracyi admovili navat paśla taho, jak pabačyli zialonyja vody paśla niekalkich hadzin stymulavanych schvatak. U vyniku vyciahvać dzicia pryjšłosia vakuumam. Niemaŭla nie zapłakała. Jaho pačali reanimavać, ale cudu nie adbyłosia — praź niekalki hadzin u dziaŭčynki spyniłasia serca. Pryčynaj śmierci niemaŭlaci paznačałasia ciažkaja aśfiksija — kažučy prostaj movaj, dziaŭčynka doŭha była biez kisłarodu.
Raniej supracoŭnica adnaho ź biełaruskich radzilnych damoŭ raskazała «Našaj Nivie», što nasamreč takija vypadki, na žal, nie adzinkavyja. A pryčyna trahiedyj hučyć cynična i žudasna — daktary nie chočuć sapsavać statystyku pa kolkaści kiesaravych.
Ministerstva achovy zdaroŭja Biełarusi patrabuje pravodzić kiesarava nie bolš čym u 30% vypadkaŭ (a lepiej, kab hety pracent va ŭstanovie achovy zdaroŭja byŭ jašče nižejšy) — heta ŭstanoŭka na ŭzroŭni načmiedaŭ, hałoŭnych daktaroŭ. Surazmoŭca padkreślivała: kali pracent značna pieravyšaje «normu», tady dastajecca ŭsim u radzilni.
U dziaržaŭnych ŚMI źviartajuć uvahu, što ŭ Jeŭropie častata kiesaravych siačeńniaŭ dachodzić da 50%, u Łacinskaj Amierycy navat da 60%, zatoje ŭ Biełarusi — kala 31%.
«Małyška paśpieła tolki raspluščyć vočki». U Minsku niemaŭla pamierła ad aśfiksii — miedyki nie stali rabić kiesaravaha
U Salihorsku ŭ časie rodaŭ paciarpieła niemaŭla. Maci zapisała ŭ tyktoku skarhu da Łukašenki — u radzilniu adpravili kamisiju
«Na žal, takich žudasnych historyj chapaje». Supracoŭnica radzilni pra vypadak z paradzichaj u Salihorsku
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary