Hramadstva55

U Salihorsku ŭ časie rodaŭ paciarpieła niemaŭla. Maci zapisała ŭ tyktoku skarhu da Łukašenki — u radzilniu adpravili kamisiju

16 studzienia Minizdaroŭja paviedamiła, što nakiroŭvaje śpiecyjalnuju kamisiju ŭ Salihorskuju centralnuju rajonnuju balnicu paśla skarhaŭ pacyjentki ŭ sacsietkach na chałatnyja adnosiny miedrabotnikaŭ radzilnaha doma. Vydańnie reform.by adšukała hety zvorot žančyny da Alaksandra Łukašenki. Pavodle słoŭ žančyny, praź miedykaŭ u časie rodaŭ paciarpieła jaje dzicia. Jana prosić vyratavać niemaŭla i pakarać miedykaŭ. 

Paciarpiełaja pacyjentka — žycharka Salihorska Darja Dejlid. 

@daria_ignatsenia #obraŝienijekpriezidientubiełarusi #spasitiesyna #pomoŝ #riepost ♬ orihinalnyj zvuk - Daria_Ignatsenia

Darja zajaŭlaje ab «chałatnych adnosinach i poŭnaj adsutnaści miedyčnaj etyki i deantałohii» i raspaviadaje, što pry rodach paciarpieŭ jaje syn, jaki zaraz znachodzicca ŭ reanimacyi z 3-j stupieńniu dychalnaj niedastatkovaści, aciokam mozhu i kiefałahiematomaj. 

Jana havoryć, što joj nie praviali svoječasova kiesarava siačeńnie. 

«Usie maje kryki ab dapamozie mnie i dziciaci byli praihnaravanyja. Tolki kali ŭ dziciaci pierastała prasłuchoŭvacca sercabićcie, heta prykładna ŭ 20:40 8 studzienia, mnie byŭ zrobleny ahulny narkoz i kiesarava siačeńnie ekstranaje. Na pytańnie miedycynskim rabotnikam, što zdaryłasia z paradzichaj, maim svajakam, mužu, mamie i siastry, było skazana patelefanavać mamie, to-bok mnie, i spytać u mianie, što zdaryłasia», — raspaviadaje Darja. 

Ciapier novanarodžany syn Darji Dźmitryj znachodzicca ŭ reanimacyi na aparacie štučnaj vientylacyi lohkich. 

«Moj syn atrymaŭ najciažejšuju stupień aśfiksii i znachodzicca ŭ adździaleńni dziciačaj reanimacyi horada Salihorska Minskaj vobłaści na aparacie štučnaj vientylacyi lohkich z nastupnym dyjahnazam: «ciažkaja stupień aśfiksii, kiefałahiematoma levaj ciemiannoj kostki pry radavoj traŭmie 3-j stupieni», — paviedamlaje dziaŭčyna. 

Darja prosić źniać zapisy z kamier videanazirańnia i pakarać vinavatych.

Učora Minizdaroŭja paviedamiła, što kamisija była stvoranaja pa zahadzie ministra achovy zdaroŭja. Jaje ŭznačaliła namieśnik dyrektara pa akušerstvie i hiniekałohii RNPC «Maci i dzicia» Alena Haškievič. U Salihorsk dla acenki situacyi na miescy byŭ nakiravany namieśnik ministra achovy zdaroŭja Juryj Horbič. U skład kamisii ŭvajšli śpiecyjalisty RNPC «Maci i dzicia», akušery-hiniekołahi, nieanatołahi, aniestezijołahi-reanimatołahi, pradstaŭniki kafiedraŭ BDMU.

Kamientary5

  • Pivot
    17.01.2024
    Maju plemianicu tak sama pry rodach ledź nie pakalečyli i ledź nie źniščyli dzicia. Łukašenaŭskaja, saŭkovaja miedycyna ŭ vaŭsiej krasie.
  • Vadzim
    17.01.2024
    Moža jość źviestki kolkim daktaram z toj radzilni daviałosia ŭ jaŭropu źjechać?
  • Amysłoviec
    17.01.2024
    Vanhuju vierdykt kamisii:
    virusnaja infiekcyja niavyśvietlenaj patałohii (albo niešta kštałtu hetaha)

    Albo pa prostamu: tvaje dzicia źniaviečanaje, ale dziaržmiedycyna nievyinavataja

    Maje spačuvańni


Ciapier čytajuć

Na abiedzie Łukašenki i Si Czińpina prysutničała i adzinaja dačka kitajskaha lidara11

Na abiedzie Łukašenki i Si Czińpina prysutničała i adzinaja dačka kitajskaha lidara

Usie naviny →
Usie naviny

«Pieten Nacyjanalnaha Adradžeńnia». Barkoŭski adkazaŭ Paźniaku ad imia «psieŭdaapazicyi»102

Byłoha milicyjaniera, jaki viarnuŭsia z Kienii i vioŭ błoh pra Afryku, asudzili za «raspalvańnie varožaści»1

Vypusknica, jakaja nabrała 400 bałaŭ pa CT u 2021-m, pierajechała ŭ Rasiju i nachvalvaje Maskvu22

Źjaviłasia novaje VIDEA śpiecapieracyi SBU «Pavucińnie»: z kamiery, zamacavanaj na samim dronie1

«My znoŭ sutykajemsia z manipulacyjami». Ukraincy adkazali na rasijskija abvinavačvańni ŭ zaciahvańni abmienu ciełami i pałonnymi

Biełaruskaja błohierka krykam i łajankaj rekłamuje brendy — zatoje źbiraje miljony prahladaŭ10

Rasijanie viazuć u Biełaruś tysiačy ciełaŭ zabitych vajskoŭcaŭ dla abmienu3

Na poli pad Barysavam zaŭvažyli pad sotniu busłoŭ VIDEA3

Astraviecki rajon abyšoŭ Minsk pa zarobkach

bolš čytanych navin
bolš łajkanych navin

Na abiedzie Łukašenki i Si Czińpina prysutničała i adzinaja dačka kitajskaha lidara11

Na abiedzie Łukašenki i Si Czińpina prysutničała i adzinaja dačka kitajskaha lidara

Hałoŭnaje
Usie naviny →

Zaŭvaha:

 

 

 

 

Zakryć Paviedamić