«Nas ličać prostym tavaram». U Vatykanie muziejščyki i achoŭniki mohuć upieršyniu padać u sud suprać uładaŭ
Pracaŭniki Vatykanskich muziejaŭ patrabujuć palapšeńnia ŭmoŭ pracy.
Supracoŭniki muziejaŭ Vatykana pahražajuć padać u sud na ŭłady samaj maleńkaj dziaržavy śvietu, kali ich patrabavańni pa palapšeńni ŭmoŭ pracy nie buduć vykananyja.
Kalektyŭny list u administracyju nakiravali 47 achoŭnikaŭ, restaŭratar i pracaŭnik kniharni. Kali jany padaduć u sud, heta budzie pieršy padobny pazoŭ u historyi Vatykana — prafsajuzy ŭ hetaj krainie nie majuć nijakich pravoŭ, piša BILD.
«Papa kaža ab pravach, a nas ličać prostym tavaram», — havorycca ŭ liście pracaŭnikoŭ.
U papiery havorycca pra mnostva prablem. Naprykład, pracaŭniki skardziacca na žorstkija ŭmovy balničnych: ludzi z daviedkami vymušanyja ŭvieś čas pravodzić doma, pakolki ŭ luby momant moža pryjści pravierka.
Akramia taho, u muziejach pracaŭnikoŭ prymušajuć pracavać zvyšuročna pa staŭcy nižejšaj, čym za zvyčajny pracoŭny čas. Aŭtary lista taksama źviartajuć uvahu na samavolstva pry vyznačeńni pamieraŭ zarobkaŭ i adsutnaść strachavańnia ad biespracoŭja.
Pracaŭniki pryhadali i pra staŭleńnie da ich padčas pandemii. Paviedamlajecca, što Papa Francišak rasparadziŭsia nie zaličvać 2021-2023 hady ŭ staž dla vyznačeńnia vypłataŭ pry vychadzie na piensiju. U tych, chto vychodzić na piensiju, prosta adnimuć miesiacy łokdaŭna.
Taksama ŭłady i kiraŭnictva muziejaŭ abvinavačvajuć u hrebavańni technikaj biaśpieki. Zamiest dazvolenych 24 000 naviedvalnikaŭ štodnia ŭ muziei prychodziać da 30 000 čałaviek, što padviarhaje niebiaśpiecy nie tolki tvory mastactva, ale i naviedvalnikaŭ i piersanał.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary