Hramadstva1414

Amal Hrodna i Brest razam uziatyja. Voś kolki biełarusaŭ vyjechała za apošnija hady

Pry hetym realnyja ličby mohuć być jašče bolšyja.

Staršy daśledčyk Centra novych idej Hienadź Koršunaŭ praanalizavaŭ adkrytyja danyja i nazvaŭ novuju ličbu tych, chto pakinuŭ Biełaruś paśla 2020 hoda.

Pa stanie na luty 2024 hoda ŭ polskaj sistemie ZUS — heta anałah biełaruskaha FSAN — było zarehistravana 130 tysiač biełarusaŭ. Stolki ž hramadzian našaj krainy mieli dazvoł na žycharstva ŭ Polščy. Viadoma, što ŭ 2020-m takich było ŭsiaho 17 tysiač, piša Koršunaŭ dla Centra novych idej.

Takim čynam, bazavaj kolkaściu biełarusaŭ, jakija źjechali ŭ Polšču, možna ličyć 113 tysiač čałaviek.

Pry hetym, na dumku Koršunava, u hetaj statystycy nie chapaje jašče niekalkich dziasiatkaŭ tysiač biełarusaŭ, jakija ŭ hety momant čakajuć DNŽ u Polščy, pakolki terminy vydačy dazvołaŭ raściahnulisia z-za vialikaha napłyvu zamiežnikaŭ.

U Litvie pa stanie na luty 2024 hoda dazvoł na žycharstva mieli 63 tysiačy biełarusaŭ, aficyjna pracaŭładkavanyja 48 tysiač. U kancy 2020 hoda ŭ hetaj krainie žyło mienš za 18 tysiač biełarusaŭ. Takim čynam, pamier novaj mihracyi biełarusaŭ u Litvu składaje kala 45 tysiač čałaviek. I heta taksama chutčej minimalnaja płanka.

U Hiermaniju za apošnija hady pierajechała 6-8 tysiač biełarusaŭ, u Izrail pa stanie na 2022 hod — 3,6 tysiačy čałaviek, pry hetym kolkaść praciahvaje raści. U Hruziju pierabralisia niedzie 10-11 tysiač biełarusaŭ. Pavodle acenki Koršunava, u krainy ES, akramia Polščy i Litvy, pierabralisia kala 20 tysiač biełarusaŭ.

Takim čynam, atrymlivajecca ahulnaja kolkaść u 220 tysiač biełarusaŭ, jakija źjechali ŭ zachodnim kirunku.

Papularnym kirunkam źjaŭlajecca i ŭschodni. Padličyć kolkaść biełarusaŭ, jakija źjechali ŭ Rasiju, składana praz asablivaści statystyki. Pavodle źviestak MUS Rasii, u 2022 hodzie ŭ hetaj krainie žyli 430 tysiač biełarusaŭ, pavodle źviestak Jeŭrazijskaj ekanamičnaj kamisii — 173 tysiačy. Koršunaŭ ličyć, što emihracyja ź Biełarusi va ŭschodnim kirunku moža być całkam supastaŭnaja pa pamierach z zachodnim kirunkam.

Takim čynam, pa stanie na pačatak 2024 hoda možna abhruntavana acanić ahulnuju kolkaść biełaruskaj emihracyi prykładna ŭ 500-600 tysiač čałaviek.

Heta kala 6-7% ad ahulnaj naminalnaj/aficyjnaj kolkaści nasielnictva krainy pa viersii Biełstata. Ci amal Hrodna i Brest razam.

Kamientary14

  • hienik
    08.05.2024
    treba jašče dadać tych chto pracuje anłajn na zamiežnyja i rasiejskija firmy - jany (ja u hetym šerahu taksama) placiać taki-siaki padatak, ale nie udzielničajuć u "budaunictvie" krainy. Rasieja vysmoktvaje tych chto z hałavoj, prapanujuć bolšyja hrošy i zaprašajuć u Maskvu. Tudy jeduć navat i praciuniki rusafoby, bo hrošy nie pachnuć. U Biełarusi niama kamu pracavać,  heta vidać pa rekłamie - usiudy prapanujuć pracu, raniej takoha niebyło.
  • vsie dovolny
    08.05.2024
    Łukašienko ćvietiot i pachniet, vyhnał milion biełarusov, roždajemosť dovioł do urovnia 1943 hoda i radujetsia etomu.
    Ostavšijesia biełarusy v Biełarusi tožie rady.
  • Krokus
    08.05.2024
    vsie dovolny, niet nikakoj Biełarusi, jesť RB - votčina sieḿji Łukašienko, pod prismotrom Putina

Ciapier čytajuć

«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ7

«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ

Usie naviny →
Usie naviny

Turcyja — ad 1600 jeŭra, Jehipiet — kala 1800 dołaraŭ, i «tanny» Tajłand. Kolki kaštuje letni adpačynak z vyletam ź Minska

Vyjšaŭ «Liła i Ścič» — na dziva kranalny film, jaki vybiŭsia ŭ top pa zborach u prakacie

Vierchni horad i Rakaŭskaje pradmieście čakaje vialikaje pieraŭtvareńnie. Što źmienicca?3

Aktyvisty Greenpeace u Paryžy skrali z muzieja vaskovuju fihuru Makrona i prynieśli jaje da pasolstva Rasii1

Ci atrymajecca va ŭładaŭ viarnuć dziaciej mihrantaŭ u biełaruskija škoły? Naŭrad ci, ale jany sprabujuć — prymusova37

Ukraina pačała vytvorčaść dronaŭ-pierachopnikaŭ dla zmahańnia z šachiedami1

Donald Tusk źvierniecca da Siejma z prośbaj pra votum davieru dla ŭrada

Zianon Paźniak adpraviŭ sardečnyja vinšavańni Karalu Naŭrockamu57

Uładzimir Ceśler pa-mastacku adreahavaŭ na bulbiany deficyt u Biełarusi

bolš čytanych navin
bolš łajkanych navin

«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ7

«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić